കോഴിക്കോട്: എസ്എന്ഡി പി യോഗം ജനറല്സെക്രട്ടറി വെള്ളാപ്പള്ളി നടേശന് നയിക്കുന്ന സമത്വമുന്നേറ്റയാത്ര സംസ്ഥാനത്തെ ഇരുമുന്നണികളുടെയും ഉറക്കം കെടുത്തിയിരിക്കുകയാണെന്നും ഇതാണ് അദ്ദേഹത്തിനെതിരെ കേസെടുക്കുവാനുള്ള അമിതാവേശത്തിന് പിന്നിലെന്നും ബിജെപി സംസ്ഥാന സെക്രട്ടറി വി.വി. രാജന് അഭിപ്രായപ്പെട്ടു. കെ.ടി.ജയകൃഷ്ണന് മാസ്റ്റര് ബലിദാന ദിനാചരണത്തിന്റെ ഭാഗമായി യുവമോര്ച്ച ജില്ലാകമ്മിറ്റിയുടെ നേതൃത്വത്തില് നളന്ദാ ഓഡിറ്റോറിയത്തില് നടത്തിയ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ചില യാഥാര്ത്ഥ്യങ്ങള് തുറന്നുപറഞ്ഞുകൊണ്ടാണ് സമത്വമുന്നേറ്റയാത്ര മുന്നേറുന്നത്. ഇതില് അസ്വസ്ഥരായിരിക്കുന്ന ഇരു മുന്നണിക്കാരും ഉറഞ്ഞുതുള്ളുകയാണ്. വെള്ളാപ്പള്ളി നടേശനെതിരെ കേസെടുക്കുക വഴി പച്ചയായ മുസ്ലിം പ്രീണനമാണ് സംസ്ഥാന സര്ക്കാര് നടത്തുന്നത്. നിരവധി യാത്രകള് നടന്ന കേരളത്തില് വെള്ളാപ്പള്ളിയുടെ യാത്രയ്ക്ക് മാത്രം എതിര്പ്പുണ്ടാകുന്നതും കേസെടുക്കുന്നതും ഉമ്മന്ചാണ്ടി സര്ക്കാറിന്റെയും പ്രതിപക്ഷത്തിന്റെയും നടപടികളാണ് യഥാര്ത്ഥ അസഹിഷ്ണുതയെന്നും വി.വി. രാജന് പറഞ്ഞു.
അസഹിഷ്ണുത എന്ന പദം ഏറ്റവും കൂടുതല് യോജിക്കുന്നത് ഇടതു-വലതു മുന്നണികള്ക്കാണ്. കേരളത്തിലെ ത്രിതല തെരഞ്ഞെടുപ്പിന്റെയും ബീഹാര് തെരഞ്ഞെടുപ്പിന്റെയും പശ്ചാത്തലത്തില് ബീഫ് ഫെസ്റ്റും മറ്റും നടത്തിയവര് ഇപ്പോള് അതിന് മൊറട്ടോറിയം പ്രഖ്യാപിച്ച് മുങ്ങിയിരിക്കുകയാണ്.ഒരുപക്ഷേ അടുത്ത നിയമസഭാ തെരഞ്ഞെടുപ്പിന് മുന്നോടിയായി ബീഫ്ഫെസ്റ്റുകാര്വീണ്ടും രംഗത്തുവരുമെന്നും അദ്ദേഹം പരിഹസിച്ചു. സിപിഎമ്മിന്റെ ഉരുക്കു കോട്ടകളില് വിള്ളല് വീഴ്ത്തി ദേശീയ പ്രസ്ഥാനത്തിന്റെ കരുത്തു തെളിയിച്ചതാണ്. കെ.ടി.ജയകൃഷ്ണന് മാസ്റ്ററെ കൊലപ്പെടുത്താന് കാരണമെന്നും ബലിദാനിയായ ജയകൃഷ്ണന് മാസ്റ്റര് സിപിഎമ്മിന്റെ ഉറക്കം കെടുത്തുകയാണെന്നും രാജന് പറഞ്ഞു.
സമ്മേളനത്തില് യുവമോര്ച്ച ജില്ലാപ്രസിഡന്റ് കെ.പ്രേജിത്ത് അധ്യക്ഷത വഹിച്ചു. ബിജെപി ജില്ലാപ്രസിഡന്റ് പി.രഘുനാഥ് മുഖ്യപ്രഭാഷണം നടത്തി. ബിജെപി സംസ്ഥാനസമിതി അംഗങ്ങളായ ടി.പി.ജയചന്ദ്രന് ടി.കെ. പത്മനാഭന്, ടി.കെ. പ്രഭാകരന്,ടി.എ. നാരായണന്, ജില്ലാ ജനറല്സെക്രട്ടറി എം.സി. ശശീന്ദ്രന്, ബിജെപി കോര്പ്പറേഷന് കൗണ്സിലര് നമ്പിടി നാരായണന്, യുവമോര്ച്ച സംസ്ഥാനവൈസ്പ്രസിഡന്റ് സുഗീഷ് കൂട്ടാലിട, യുവമോര്ച്ച ജില്ലാ നേതാക്കളായ ഷിനൂപ്രാജ്, ബബീഷ്, ശ്രീധര്മ്മന്, രനിത്ത്, ദിപിന് എന്നിവര് പ്രസംഗിച്ചു.
താമരശ്ശേരി: കെ.ടി.ജയകൃഷ്ണന് മാസ്റ്ററുടെ ബലിദാന ദിനത്തില് യുവമോര്ച്ച താമരശ്ശേരി പഞ്ചായത്ത് കമ്മിറ്റിയുടെ നേതൃത്വത്തില് യൂണിറ്റ് കേന്ദ്രങ്ങളില് പ്രഭാതഭേരിയും പുഷ്പാര്ച്ചനയും സംഘടിപ്പിച്ചു.
താമരശ്ശേരി ടൗണില് നടന്ന പരിപാടിയില് ബിജെപി ജില്ലാ വൈസ് പ്രസിഡണ്ട് ഗിരീഷ് തേവള്ളിയൂടെ നേതൃത്വത്തില് പുഷ്പാര്ച്ചന നടത്തി. യുവമോര്ച്ച കൊടുവള്ളി മണ്ഡലം പ്രസിഡണ്ട് എ.കെ. ബവീഷ് പതാക ഉയര്ത്തി. പ്രഭീഷ്.ഒ.കെ.ലിജു.കെ.ബി, വത്സന് മേടോത്ത്, കെ.പി. ശിവദാസന്, ലിനീഷ് ബാബു.ടി.സി എന്നിവര് നേതൃത്വം നല്കി.
