കൊച്ചി: പരിശീലകന്റെ വാക്കിന് സ്വര്ണത്തിളക്കം. ട്രാക്കിലെത്തിയക്കാലം മുതല് 100 മീറ്റര് ഹര്ഡിസില് മത്സരിച്ചിരുന്ന പഴനി കോച്ച് രാജിപോളിന്റെ നിര്ദ്ദേശപ്രകാരമാണ് സീനിയര് ബോയ്സ് 400 മീറ്ററിലേയ്ക്ക് മാറിയത്. കോതമംഗലം സെന്റ് ജോര്ജിലെ പ്ലസ്ടുവിദ്യാര്ത്ഥിയായ പാലക്കാട്ട് അട്ടപ്പാടി സ്വദേശിയായ പഴനി സ്വാമി ആദ്യമായി മത്സരിച്ചപ്പോള് തന്നെ സ്വര്ണ്ണം നേടിയതിന്റെ ആഹ്ലദത്തിലാണ്. 2010ല് സബ്ജൂനിയര് വിഭാഗം 100 മീറ്റര് ഹര്ഡില്സില് സംസ്ഥാന മീറ്റില് സ്വര്ണം ലഭിച്ചിരുന്നു. പാലക്കാട് അട്ടപ്പാടി ആനകെട്ടി മരപ്പാലം വീട്ടില് മുരുകന് മരുതി ദമ്പതികളുടെ മകനാണ് പഴനിസ്വാമി. ഷംസവേണിയാണ് ഏക സഹോദരി. സ്പോര്ട്സിനോടുള്ള താല്പര്യത്തെ തുടര്ന്നാണ് ആറ് വര്ഷം മുമ്പ് പഴനിസ്വാമി സെന്റ് ജോര്ജില് എത്തുന്നത്. മുന്പ് പഠിച്ചിരുന്ന ഷോളയാര് ഗവ. സ്കൂളിലെ കായിക അധ്യാപകന് ഈശ്വരനാണ് പഴിനിസ്വാമിയിലെ കായിക താരത്തെ തിരിച്ചറിഞ്ഞത്. സംസ്ഥാന മീറ്റില് മികച്ച പ്രകടനം കാഴ്ച്ച വയ്ക്കാനാകുമെന്ന വിശ്വാസത്തിലാണ് ഈ പ്ലസ്ടു വിദ്യാര്ഥി.
പരിശീലകന്റെ വാക്കിന് സ്വര്ണത്തിളക്കം നല്കി പഴനി സ്വാമി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.