മട്ടാഞ്ചേരി: അതുലിന്റെ ചേതനയറ്റ മൃതദേഹം കണ്ട് സഹപാഠികള് കണ്ണീരൊഴുക്കി പുഷ്പങ്ങള് അര്പ്പിച്ചപ്പോള് കണ്ടു നിന്ന അദ്ധ്യാപകര് വിതുമ്പി. പിതാവ് രാജീവന് വിങ്ങിപൊട്ടി. ഫോര്ട്ടുകൊച്ചി സെന്റ് ജോണ്.ഡി. ബ്രിട്ടോ സ്കൂളിലെ പത്താം ക്ലാസ്സ് വിദ്യാര്ത്ഥിയായ അതുല് രാജ് കായിക പ്രതിഭയ്ക്കൊപ്പം പഠനത്തിലും മികവ് പുലര്ത്തിയിരുന്നു.
ഹോക്കിതാരമായിരുന്ന അതുല് ഈയിടെയാണ് ഹാന്റ് ബോളിലേയ്ക്ക് ആകര്ഷകനായത്. ഹാന്റ്ബോളില് അദ്യ സംസ്ഥാന തല മത്സരമായിരുന്നു സ്കൂള് കായികമേളയില് നടന്നത്. പത്തംഗ കായിക സംഘമാണ് ഗുസ്തി ഹാന്ഡ്ബോള് മത്സരത്തിനായി എടപ്പാളിലേയ്ക്ക് പോയത്.
ഞായറാഴ്ച യാത്ര തിരിച്ച സംഘത്തിലെ അഞ്ച് പേരാണ് ഇന്നലെ തീവണ്ടി മാര്ഗ്ഗം മടങ്ങാനിറങ്ങിയത്. രണ്ട് വിദ്യാര്ത്ഥികളെ അവരുടെ രക്ഷിതാക്കളെത്തി കാറില് കൊച്ചിയിലേയ്ക്ക് കൊണ്ടു വന്നിരുന്നു. അതുലും സംഘവും സുഹൃത്തിന്റെ അമ്മാവന്റെ ക്ഷണം സ്വീകരിച്ച ശേഷമുള്ള മടക്കയാത്ര അപകട യാത്രാ യാകുമെന്ന് അരും വിചാരിച്ചില്ല. ബ്രിട്ടോ സ്കൂളിലെ വിദ്യാര്ത്ഥിയായ കൊച്ചി സ്വദേശിയായ നിസ്വാന് നഫ് ല്(16) എടവനക്കാട് സ്വദേശി മുഹമ്മദ് ഷമീര് എന്നിവര് ആശുപത്രിയില് ചികിത്സയിലുമാണ്.
