കുറ്റിപ്പുറം: ശബരിമല തീര്ത്ഥാടകരുടെ പ്രധാന ഇടത്താവളങ്ങളിലൊന്നായ കുറ്റിപ്പുറം മിനിപമ്പയില് സേവാഭാരതിയുടെ ഇന്ഫര്മേഷന് സെന്റര് തുടങ്ങി. മല്ലൂര് ശിവക്ഷേത്രം മേല്ശാന്തി ചെറിയ പരമേശ്വരന് ഉദ്ഘാടനം ചെയ്തു. ആര്എസ്എസ് തിരൂര് ജില്ലാ സംഘചാലക് കൃഷ്ണന് മാസ്റ്റര് ദീപപ്രോജ്ജ്വലനം നടത്തി. വിഭാഗ് കാര്യവാഹ് ദാമോദരന്, ജില്ലാ സഹകാര്യവാഹ് വിശ്വനാഥന്, സേവാപ്രമുഖ് രാമചന്ദ്രന്, ജില്ലാ പ്രചാരക് വിഷ്ണു, വിഎച്ച്പി ജില്ലാ സെക്രട്ടറി വാസു എന്നിവര് പങ്കെടുത്തു.
അയ്യപ്പഭക്തര്ക്ക് വേണ്ട സഹായങ്ങള് നല്കാന് സേവാഭാരതി പ്രവര്ത്തകര് 24 മണിക്കൂറും ഇവിടെ സജ്ജമായിരിക്കും. വര്ഷങ്ങളായി സേവാഭാരതി മിനിപമ്പയില് ഇന്ഫര്മേഷന് സെന്റര് ഒരുക്കാറുണ്ട്. വളരെ നല്ല പ്രതികരണമാണ് ഭക്തരില് നിന്നും ഇതുവരെ ലഭിച്ചിട്ടുള്ളത്.
