കണ്ണൂര്: ബിഎസ്സി നഴ്സിങ്ങ് ആയുര്വേദ ഡിഗ്രി കോഴ്സ് ആരംഭിച്ചിട്ട് പത്ത് വര്ഷം പിന്നിട്ടും ഉദ്ദേശിച്ച ഫലപ്രാപ്തിയിലെത്തിയില്ലെന്നും കോഴ്സിന് അധികാരികളുടെ പക്കല് നിന്നും അര്ഹമായ പരിഗണന ലഭിച്ചില്ലെന്നും ആയുര്വേദ നഴ്സിങ്ങ് ഗ്രാജുവേറ്റ്സ് അസോസിയേഷന് ഭാരവാഹികള് പത്രസമ്മേളനത്തില് അറിയിച്ചു. സമഗ്രമായ പാഠ്യപദ്ധതി വികസിപ്പിച്ച് പറശ്ശിനിക്കടവ് ആയുര്വേദ മെഡിക്കല് കോളജാണ് 2004ല് കേരള സര്ക്കാരിന്റെ അഡ്മിനിസ്ട്രേറ്റീവ് അനുമതിയോടെ നാലു വര്ഷ ബിഎസ്സി നഴ്സിങ്ങ് ആയുര്വേദ കോഴ്സ് ആരംഭിച്ചത്. എന്നാല് കോഴ്സിന് സര്ക്കാര് സര്വീസില് ഇത് വരെയായി അര്ഹമായ പരിഗണന ലഭിച്ചിട്ടില്ല. ബിഎസ്സി നഴ്സിങ്ങ് ആയുര്വേദ ബിരുദം സര്ക്കാര് സര്വീസിലെ നഴ്സിങ്ങ് തസ്തികകളിലേക്ക് മതിയായ ഉന്നതയോഗ്യതയായി പരിഗണിച്ച് സ്പെഷ്യല് റൂളില് ഭേദഗതി വരുത്തുവാനുള്ള നടപടിക്രമങ്ങള് 2009ല് തന്നെ ആരംഭിച്ചിരുന്നു. 2013 ലെ ഹൈക്കോടതി ഉത്തരവില് ബിഎസ്സി നഴ്സിങ്ങ് ആയുര്വേദ കോഴ്സിന് സര്ക്കാര് സര്വീസില് അര്ഹമായ പരിഗണന നല്കണമെന്നും ആയുര്വേദ നഴ്സിങ്ങ് കൗണ്സില് ആരംഭിക്കുവാനുള്ള നടപടികള് സര്ക്കാര് സ്വീകരിക്കണമെന്നും പറയുന്നുണ്ട്. 2014ലെ ഉത്തരവ് പ്രകാരം സര്ക്കാര് മേല്നടപടികള് സ്വീകരിക്കാമെന്ന് ഉറപ്പ് നല്കിയിട്ടുമുണ്ട്. എന്നാല് നടപടികള് നീണ്ടു പോകുകയാണ്. ഇത് നഴ്സിങ്ങ് ബിരുദധാരികളെ വിഷമവൃത്തത്തിലാക്കിയിര്കുകയാണ്. മികച്ച യോഗ്യതയുണ്ടായിട്ടും ആയുര്വേദ നഴ്സിങ്ങ് ബിരുദധാരികള് അവഗണിക്കപ്പെടുകയാണെന്നും ഇതിന് ഉടന് പരിഹാരമുണ്ടാകണമെന്നും ഭാരവാഹികള് ആവശ്യപ്പെട്ടു. പത്രസമ്മേളനത്തില് മിഥുന്മോഹന്, പി.വി.ധന്യ , എം.ആര്.സത്യന്, ശ്രീന അജീഷ് എന്നിവര് പങ്കെടുത്തു.
ബിഎസ്സി നഴ്സിങ്ങ് ആയുര്വേദ ഡിഗ്രി കോഴ്സ് ഫലപ്രാപ്തിയിലെത്തിയില്ല: ഗ്രാജുവേറ്റ്സ് അസോസിയേഷന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.