നാദാപുരം: കേന്ദ്രഭരണ പ്രദേശമായ മാഹിയില് നിന്ന് മദ്യംകടത്തുവാന് വന് മാഫിയ സംഘങ്ങള് രംഗത്ത്. ഇവര് ഉപയോഗിക്കുന്നത് ലക്ഷങ്ങള് വിലമതിക്കുന്ന ആഡംബരകാറുകള്.
ഇത്തരം കാറുകളില് വൃത്തിയായി വസ്ത്രം ധരിച്ച് സ്തീകളെയും കുട്ടികളെയും വാഹനത്തില് ഇരുത്തുകയും എയര്പോട്ടിലേക്ക് അെല്ലങ്കില് ടൂര് എന്ന സ്റ്റിക്കര് പതിച്ചാണ് മദ്യ കടത്തിന് പുതിയ രൂപം നല്കിയിരിക്കുന്നത് .മാഹിയില് നിന്ന് വടകര ,നാദാപുരം വഴി തൊട്ടില്പ്പാലം ,താമരശ്ശേരി ഭാഗങ്ങളിലേക്കും ബാറുകളും ബിവറേജസ് ഔട്ടലെറ്റുകള് കുറവുള്ള മലപ്പുറം ,ഇടുക്കി ,പാലക്കാട് എന്നീ ജില്ലകളിലേക്കുമാണ് കൂടുതലായും മാഹിയിലെ ചില ബാറുകളുടെ ഒത്താശയോടെ വിലകുറഞ്ഞ മദ്യം കടത്തുന്നത്
ആഡംബരവാഹനങ്ങള് പോലീസോ ,എക്സൈസോ കാര്യമായ പരിശോധന നടത്താറില്ല. കാരണം സ്ത്രീകളും കുട്ടികളും യാത്ര ചെയ്യുന്ന വാഹനം തടഞ്ഞ് നിര്ത്തി പരിശോധിക്കുമ്പോള് യാത്രക്കാരെ അപമാനിച്ചു എന്ന തരത്തിലുള്ള പ്രതികരണം ചിലകോണുകളില് നിന്ന് ഉയരാറുണ്ട്. വാഹനത്തില് യാത്ര ചെയ്യുന്നത് രാഷ്ട്രിയക്കാരോ മറ്റ് ഉന്നതരോ ആണങ്കില് കാര് തടഞ്ഞ് നിര്ത്തി അപമാനിച്ചു എന്നതരത്തിലുള്ള ആരോപണം ഉയരുന്നതും ഉദ്യോഗസ്ഥരെ ഇത്തരം വാഹന പരിശോധനയില് നിന്ന് പിന്തിരിയാന് പ്രേരിപ്പിക്കുന്നതായി എക്സൈസുകാര് തന്നെ സമ്മതിക്കുന്നു .ഈ സൗകര്യം മുതലെടുത്ത് മദ്യകടത്തുകാര് നിര്ബാധം ഹൈവേയില് കൂടി കേരളത്തിന്റെ വിവിധ ഭാഗങ്ങളിലേക്ക് മദ്യം കടത്തുന്നത് .ഇത്തരം സംഘങ്ങള്ക്ക് ഭരണ പ്രതിപക്ഷ ,ഉദ്യോഗസ്ഥ തലങ്ങളില് നിന്ന് പിന്തുണ ലഭിക്കുന്നുണ്ടെന്നും കഴിഞ്ഞ ദിവസം നാദാപുരം എക്സൈസ് ഷാഡോ സംഘം വടകരയില് നടത്തിയ വാഹന പരിശോധനയില് മാരുതി സ്വിഫ്റ്റ് കാറില് കടത്തുകയായിരുന്ന നൂറ്റി അറുപത് കുപ്പി മദ്യവുമായി കോഴിക്കോട് സ്വദേശിയായ യുവാവിനെ പിടികൂടിയിരുന്നു.ഇടുക്കി ,അട്ടപ്പാടി എന്നിവിടങ്ങളിലേക്ക് കടത്തുകയായിരുന്ന നൂറ്റി നാല്പ്പത് കുപ്പിവിദേശ മദ്യവുമായി കഴിഞ്ഞ ആഴ്ച വടകര എക്സൈസ് സംഘം ആഡംബരകാറുമായി യുവാവിനെ പിടികൂടിയിരുന്നു .ഇത്തരം വിലകൂടിയ കാറുകള് മാസ വാടകയ്ക്ക് എടുത്താണ് കടത്തിന് ഉപയോഗിക്കുന്നത് .മാസത്തില് ഇരുപത്തി അയ്യായിരം രൂപ മുതല് അന്പതിനായിരം രൂപ വരെ മാസവാടകയ്ക്ക് കൊടുക്കുന്ന നിരവധി ഏജന്സികള് ജില്ലയുടെ പല ഭാഗങ്ങളിലും പ്രവര്ത്തിക്കുന്നുണ്ട് .ഇത്തരം കാറുകള് കല്യാണ ആവശ്യം എന്ന വ്യാജേന വാടകയ്ക്ക് എടുത്താണ് മദ്യ കടത്തിന് ഉപയോഗിക്കുന്നത് .
