ലണ്ടന്: ഭാരത പ്രധാനമന്ത്രി നരേന്ദ്ര മോദിയുടെ യു.കെ സന്ദര്ശനത്തെ താന് ആവേശത്തോടെയാണ് കാണുന്നതെന്ന് ബ്രിട്ടീഷ് പ്രധാനമന്ത്രി ഡേവിഡ് കാമറൂണ്. പ്രധാനമന്ത്രിയെ സ്വീകരിക്കുന്നതിനായി റെഡ് ആരോസ് റോയല് എയര്ഫോഴ്സിന്റെ (ആര്.എ.എഫ്) യുദ്ധവിമാനങ്ങള് ആദ്യമായി ബ്രിട്ടനില് ത്രിവര്ണ്ണ പരേഡ് സംഘടിപ്പിക്കുമെന്നും കാമറൂണ് അറിയിച്ചു.
മൂന്നുദിവസത്തെ ബ്രിട്ടന് സന്ദര്ശനത്തിനായി പ്രധാനമന്ത്രി നരേന്ദ്രമോദി ഈ മാസം 12 ന് യാത്ര തിരിക്കും.യു.കെ. പാര്ലമെന്റിനെ അഭിസംബോധന ചെയ്യുന്ന പ്രധാനമന്ത്രി പ്രത്യേക ക്ഷണപ്രകാരം ബക്കിംഗ്ഹാം കൊട്ടാരത്തില് എലിസബത്ത് രാജ്ഞിയുമായി കൂടിക്കാഴ്ച നടത്തുകയും അത്താഴവിരുന്നില് പങ്കെടുക്കുകയും ചെയ്യും.
തീവ്രവാദം, കാലാവസ്ഥാ വ്യതിയാനം, ദാരിദ്ര്യം തുടങ്ങിയ വെല്ലുവിളികളെ നേരിടുന്നതിന് ഇന്ത്യയും ബ്രിട്ടനും തമ്മില് ഒരു നൂതന സഹകരണം കെട്ടിപ്പടുക്കാന് മോദിയുടെ സന്ദര്ശനം സഹായിക്കുമെന്ന് കാമറൂണ് പ്രതീക്ഷ പ്രകടിപ്പിച്ചു. ഇരുരാജ്യങ്ങളും തമ്മിലുള്ള സാമ്പത്തിക കൂട്ടുകെട്ട് കൂടുതല് ഉറപ്പാക്കുകയാണ് ലക്ഷ്യമെന്നും അദ്ദേഹം വ്യക്തമാക്കി.
ഒമ്പതുകൊല്ലത്തെ ഇടവേളയ്ക്കുശേഷമാണ് ബ്രിട്ടനുമായി ഭാരതം ഉഭയകക്ഷി ചര്ച്ച നടത്തുന്നത്. സന്ദര്ശന വേളയില് യു.കെ.യിലെ ഭാരതീയരെ വെംബ്ലി സ്റ്റേഡിയത്തില് പ്രധാനമന്ത്രി നരേന്ദ്രമോദി അഭിസംബോധന ചെയ്യും.
