ആലപ്പുഴ: തദ്ദേശ തെരഞ്ഞെടുപ്പില് പതിവുതെറ്റിക്കാതെ പ്രമുഖര് കാലേകൂട്ടിത്തന്നെ വോട്ടുചെയ്യാനെത്തും. ബിജെപി ജില്ലാ പ്രസിഡന്റും തണ്ണീര്മുക്കം പഞ്ചായത്തിലെ സ്ഥാനാര്ത്ഥിയുമായി വെള്ളിയാകുളം പരമേശ്വരന് രാവിലെ 8ന് കെവിഎം എഞ്ചിനീയറിങ് കോളേജിലെ ബൂത്തിലാണ് വോട്ടു രേഖപ്പെടുത്തുക.
ജില്ലാ ജനറല് സെക്രട്ടറിമാരായ കെ. സോമന് ആയാപറമ്പ് ഹയര്സെക്കന്ററി സ്കൂളിലും ജില്ലാ പഞ്ചായത്ത് അമ്പലപ്പുഴ ഡിവിഷന് സ്ഥാനാര്ത്ഥികൂടിയായ കൊട്ടാരം ഉണ്ണികൃഷ്ണന് കാക്കാഴം ഹൈസ്കൂളിലും കര്ഷകമോര്ച്ച സംസ്ഥാന പ്രസിഡന്റ് കെ.എസ്. രാജന് പാണ്ടനാട് രണ്ടാം വാര്ഡിലെ ഗവ. ജെബിഎസ്സിലും മഹിളാ മോര്ച്ച സംസ്ഥാന പ്രസിഡന്റ് ഗീതാകുമാരി ചാത്തനാട് വാര്ഡിലെ കയര് മാനുഫാക്ചറിങ് മെഷീന് നിര്മ്മാണകമ്പനിയിലെ ബൂത്തിലും വോട്ടുചെയ്യും.
എസ്എന്ഡിപിയോഗം ജനറല്സെക്രട്ടറി വെള്ളാപ്പള്ളി നടേശന് ഉച്ചയ്ക്ക് 12.30ന് മാരാരിക്കുളം വടക്കുപഞ്ചായത്തിലെ കണിച്ചുകുളങ്ങര ഗേള്സ് സ്കൂളില് വോട്ടുചെയ്യും.
പ്രതിപക്ഷനേതാവ് വി.എസ്. അച്യുതാന്ദന് രാവിലെ 10.30ന് പറവൂര് പനയക്കുളങ്ങര ഹയര് സെക്കണ്ടറി സ്കൂളില് വോട്ടു രേഖപ്പെടുത്തും.ജെഎസ്എസ് നേതാവ് കെ.ആര്. ഗൗരിയമ്മ രാവിലെ 11ന് ചാത്തനാട് വീടിനു സമീപത്തെ മന്നത്ത് പോളഭാഗം എല്പിഎസിലാണ് വോട്ടുചെയ്യുക.ആഭ്യന്തരമന്ത്രി രമേശ് ചെന്നിത്തല രാവിലെ 8.30ന് ചെന്നിത്തല തൃപ്പെരുന്തുറ യുപി സ്കൂളില് വോട്ടുചെയ്യും.
മുന് കേന്ദ്രമന്ത്രി വയലാര് രവി ഉച്ചയ്ക്ക് 12ന് വയലാര് യുപിഎസ്സിലും കെ.സി. വേണുഗോപാല് എംപി രാവിലെ 7ന് കൈതവന എന്എസ്എസ് കരയോഗത്തിലും വോട്ടുചെയ്യും. മുന് മന്ത്രിമാരായ പി.എം. തോമസ് ഐസക് രാവിലെ 8.30ന് കിടങ്ങാംപറമ്പ് എല്പിഎസിലും ജി. സുധാകരന് എംഎല്എ രാവിലെ 7ന് കളര്കോട് ചിന്മയ സ്കൂളിലും വോട്ടുചെയ്യാനെത്തും.
