അടൂര്: അക്രമാസക്തനായ യുവാവ് പരിഭ്രാന്തിപരത്തി. ഇന്നലെ രാവിലെയാണ് പുനലൂര് മഞ്ഞമണ്കാല ശ്യാംനിവാസില് ഗോപാലപിള്ളയുടെ മകന് സന്ദീപ് കൃഷ്ണന്(28) നാട്ടുകാരെ മുള്മുനയില് നിര്ത്തിയത്.
രാവിലെ മങ്ങാട് സ്വദേശി രാജുവിന്റെ വീട്ടില് എത്തി പുലര്ച്ചെ വാഹനം കിട്ടാതെ എത്തിയതാണെന്നും പ്രാഥമികകൃത്യങ്ങള് നിര്വ്വഹിക്കാന് അനുവദിക്കണമെന്നും വീട്ടുകാരോട് അഭ്യര്ത്ഥിച്ചു. പ്രാഥമിക കൃത്യം നടത്താന് അനുവദിച്ച് മണിക്കൂറുകള് കഴിഞ്ഞും പുറത്തിറങ്ങാത്തതിനെത്തുടര്ന്ന് വീട്ടുടമസ്ഥര് ഇടപെടുകയായിരുന്നു. പരസ്പ്പര വിരുദ്ധമായി ഇയാള് സംസാരിച്ചതിനെത്തുടര്ന്ന് വീട്ടുടമസ്ഥര് പോലീസില് വിവരം അറിയിച്ചു. സ്റ്റേഷനിലെത്തിച്ച സന്ദീപ് പോലീസിനെ അക്രമിക്കാന് ശ്രമിക്കുകയും പിന്നീട് ഇവിടെ നിന്നും ഓടിരക്ഷപെടുന്നതിനിടെ പോലീസ് ജീപ്പിന്റെ ഗ്ലാസ് അടിച്ചു തകര്ക്കുകയും ചെയ്തു.മാര്ക്കറ്റ് റോഡിലിറങ്ങി അക്രമാസക്തമായി നിന്നതോടെ ഇതുവഴിയുള്ള ഗതാഗതംസ്തംഭിച്ചു. പോലീസ് കീഴ്പ്പെടുത്താന് ശ്രമിക്കുന്നതിനിടെ മാര്ക്കറ്റ് ജംഗ്ഷനില് നിന്നും ആള്സെയിന്റ്സ് റോഡിലൂടെ ഓടി സമീപത്തുള്ള അഡ്വ.സി.ആര്.രാജന്റെ വീട്ടില് കയറിയ ഇയാള് വീട്ടുപരണങ്ങള് നശിപ്പിക്കുകയും അടുക്കളയില് നിന്നും മുകളുപൊടി വിതറുകയും ചെയ്തു. ഫയര്ഫോഴ്സ് ജീവനക്കാരും സ്ഥലത്തെത്തുകയായിരുന്നു. പോലീസും ഫയര്ഫോഴ്സ് ജീവനക്കാരുംനാട്ടുകാരും ചേര്ന്ന് സന്ദീപിനെ കീഴ്പ്പെടുത്തി സ്റ്റേഷനിലെത്തിച്ചു. ഇയാളെ വൈദ്യപരിശോധനയ്ക്ക് വിധേയനാക്കി അടൂര് കോടതിയില്റിമാന്റ് ചെയ്തു. കഞ്ചാവ് സ്ഥിരമായി ഇയാള് ഉപയോഗിക്കുന്നതായിപോലീസ് പറഞ്ഞു.
