കാസര്കോട്: അന്ധതയോ മറ്റ് ശാരീരിക അവശതകളോ ഉള്ളവര്ക്ക് വോട്ട് ചെയ്യാന് പ്രത്യേക സൗകര്യം ഏര്പ്പെടുത്തുമെന്ന് ജില്ലാ കളക്ടര് പിഎസ് മുഹമ്മദ് സഗീര് പറഞ്ഞു. ഇലട്രോണിക്ക് വോട്ടിംഗ് യന്ത്രത്തിലെ ബാലറ്റ് യൂണിറ്റിലെ ചിഹ്നം തിരിച്ചറിയുന്നതിനും പരസഹായം കൂടാതെ വോട്ട് രേഖപ്പെടുത്തുന്നതിനും സാധിക്കാത്തവര്ക്ക് 18 വയസ്സില് കുറയാത്ത പ്രായമുള്ള വ്യക്തിയെ വോട്ട് രേഖപ്പെടുത്താന് കൂടെ കൊണ്ടുപോകാം. സഹായിയായി പോകുന്നയാള് മറ്റൊരു സമ്മതിദായകന്റെ സഹായിയായി ഒരു പോളിംഗ് സ്റ്റേഷനിലും പ്രവര്ത്തിച്ചിട്ടില്ലെന്നും സമ്മതിദായകന് വേണ്ടി താന് രേഖപ്പെടുത്തിയ വോട്ടിന്റെ രഹസ്യ സ്വഭാവം കാത്ത് സൂക്ഷിച്ച് കൊള്ളാമെന്നും രേഖാമൂലം ഉറപ്പ് നല്കണം.
സ്ഥാനാര്ത്ഥിക്കോ തെരഞ്ഞെടുപ്പ് ഏജന്റിനൊ ഏതെങ്കിലും ഒരു സമ്മതിദായകന്റെ സഹായിയായി പ്രവര്ത്തിക്കാം. എന്നാല് പ്രിസൈഡിംഗ് ഓഫീസറോ മറ്റേതെങ്കിലും പോളിംഗ് ഓഫീസറോ സമ്മതിദായകന്റെ സഹായിയാവാന് പാടില്ല. ശാരീരിക അവശത ഉള്ളവരെ ക്യുവില് നിര്ത്താതെ പ്രത്യേകമായി പോളിംഗ് സ്റ്റേഷനിലേക്ക് പ്രവേശിപ്പിക്കേണ്ടതാണെന്ന് കളക്ടര് അറിയിച്ചു.
