ബേഡകം:’ബേഡഡുക്ക പഞ്ചായത്തില് ബിജെപി പ്രവര്ത്തകരുടെ പ്രവര്ത്തനം തടസപ്പെടുത്താന് സിപിഎം വ്യാപകമായി കള്ളപ്രചരണങ്ങളും ആരോപണങ്ങളും അഴിച്ചുവിടുകായാണെന്ന് ബിജെപി പഞ്ചായത്ത് കമ്മറ്റി ആരോപിച്ചു. സിപിഎം കേന്ദ്രമായ ബേഡഡുക്കയില് അടുത്ത കാലത്ത് ബിജെപിക്ക് സ്വാധീനമേഖലയായി മാറിയിട്ടുണ്ട്. കാഞ്ഞിരത്തുങ്കാലില് അമ്പതോളം പ്രവര്ത്തകര് ബിജെപിയിലേക്ക് ചേര്ന്നിരുന്നു. ബേഡകം തേര്ക്കുളം ചാമുണ്ഡേശ്വരി ദേവസ്ഥാനത്തുനിന്നും നടത്തിയ ശ്രീകൃഷ്ണ ജയന്തി ശോഭായാത്രയില് നൂറുകണക്കിന് പ്രവര്ത്തകരാണ് പങ്കെടുത്തത്. ബേഡകം ഏരിയ കമ്മറ്റി പരിധിയായ ബദിര, ഗദ്ദേമൂല തുടങ്ങിയ സ്ഥലങ്ങളില് നിന്നും ശോഭായാത്രകള് സംഘടിപ്പിച്ചിരുന്നു. പ്രവര്ത്തകരുടെ കൊഴിഞ്ഞുപോക്കിന് തടയിടാന് പ്രവര്ത്തകരെ കള്ളക്കേസുകളല് കുടുക്കാനാണ് സിപിഎം ശ്രമിക്കുന്നത്.
കഴിഞ്ഞ ദിവസം ബിജെപി പ്രവര്ത്തകര് പാര്ട്ടി കാര്യങ്ങള് ചര്ച്ചചെയ്യാന് സ്ഥിരമായി ഒത്തുചേരാറുള്ള സ്ഥലത്ത് കാഞ്ഞിരത്തുങ്കാലിലെ സഹകരണ ബാങ്കിലെ സിപിഎം പപ്രവര്ത്തകനായ ജീവനക്കാരന് കൊടി കെട്ടിയിരുന്നു. രണ്ടു ദിവസം കഴിഞ്ഞപ്പോള് അയാള് തന്നെ രാത്രിയില് കൊടി അഴിച്ചുമാറ്റി ബിജെപി പ്രവര്ത്തകരാണെന്ന് ആരോപിക്കുകയായിരുന്നു. തുടര്ന്ന് ഇതില് പരാജയപ്പെട്ട പ്രവര്ത്തകന് രാത്രിയില് ഫഌക്സ് ബോര്ഡ് നശിപ്പിച്ച് രക്ഷപ്പെടുന്നതിനിടയില് കയ്യോടെ പിടിക്കപ്പെടുകയുമായിരുന്നു. ബിജെപിയിലേക്ക് വരുന്നവരെ പ്രശ്നങ്ങള് സൃഷ്ടിച്ച് തടയാനുള്ള സിപിഎം ശ്രമം വിലപ്പോവില്ലെന്നും ബിജെപി നേതൃത്വം പറഞ്ഞു.
