ശശികമ്മട്ടേരി
കൊയിലാണ്ടി: ചേലിയ കഥകളി വിദ്യാലയത്തിലെ അനിഷ്ടസംഭവങ്ങളെ രാഷ്ട്രീയവല്ക്കരിക്കുന്നതിന് പോലീസ് കൂട്ടുനില്ക്കുന്നു. കഥകളി വിദ്യാലയത്തിലെ ചെണ്ട വിദ്യാര്ത്ഥിയെ താത്ക്കാലിക അധ്യാപകന് മര്ദ്ദിച്ചതിനെത്തുടര്ന്നുണ്ടായ പ്രശ്നങ്ങളാണ് സിപിഎമ്മും കോണ്ഗ്രസും സംയുക്തമായി രാഷ്ട്രീയ വല്ക്കരിക്കാന് ശ്രമിക്കുന്നത്. അദ്ധ്യാപകനെ മര്ദ്ദിച്ചുവെന്ന സംഭവത്തില് പരാതിക്കാരനായ അധ്യാപകനോ കഥകളി വിദ്യാലയമോ ഏതെങ്കിലും സംഘടനയെ പരാതിയില് പരാമര്ശിച്ചിരുന്നില്ല. എന്നാല് കെ. ദാസന് എംഎല്എ, മുല്ലപ്പള്ളിരാമചന്ദ്രന് എം.പി. അടക്കമുള്ളവരാണ് ആര്എസ്എസ്- ബിജെപി വിരുദ്ധ പ്രസ്താവനകളുമായി രംഗത്തു വന്നത്. ഇവരുടെ തിരക്കഥയനുസരിച്ചാണ് പോലീസ് പ്രവര്ത്തിക്കുന്നത്. അറസ്റ്റ്ചെയ്യപ്പെട്ടയാള് ബിജെപിക്കാരനാണെന്ന മാധ്യമങ്ങള്ക്ക് വാര്ത്ത നല്കി കൊയിലാണ്ടിയില് രാഷ്ട്രീയ സംഘര്ഷമുണ്ടാക്കാനുള്ള ശ്രമമാണ് കൊയിലാണ്ടി സിഐ ഹരിദാസ് നടത്തിയത്.
സിപിഎം ചാനലും പത്രവും സംഭവത്തെക്കുറിച്ച് നിരന്തരമായി കുപ്രചാരണം നടത്തി. അറസ്റ്റ് ചെയ്യപ്പെട്ട പ്രതിയെ പോലീസ് വാഹനങ്ങളുടെ അകമ്പടിയോടെ തെളിവെടുക്കാനെന്ന പേരില് ചേലിയയിലും പരിസരത്തു കയ്യാമം വെച്ച് നടത്തിക്കുകയും ചെയ്തു. വിദ്യാര്ത്ഥിയെ മര്ദ്ദിച്ച സംഭവത്തില് പോലീ സ് കേസെടുക്കാന് പോലും തയാറായിരുന്നില്ല. കൊയിലാണ്ടിയിലുണ്ടാകുന്ന നിരവധി കേസുകള്ക്ക് ഒരുതുമ്പുണ്ടാക്കാന് ശ്രമിക്കാത്ത പോലീസ് ഇത്തരം കാര്യങ്ങളില് കാണിക്കുന്ന ശുഷ്കാന്തി രാഷ്ട്രീയക്കാരെ പ്രീതിപ്പെടുത്താനാണ് എന്ന് പരക്കെ ആക്ഷേപമുണ്ട്.
പട്ടാപ്പകല് പോലീസ് സ്റ്റേഷന്റെ തൊട്ടുമുമ്പിലെ വീട്ടിലുണ്ടായ മോഷണത്തിലെ പ്രതികളെ അറസ്റ്റ് ചെയ്യാന് പോലീസിന് കഴിഞ്ഞിട്ടില്ല.സിവില് സ്റ്റേഷന് സമീപമുള്ള എം.പി.സദാനന്ദന്റെ തസ്നിനിവാസില് നിന്ന് 14 പവന് സ്വര്ണ്ണാഭരണം കളവുപോയി.ഡോഗ് സ്വാഡും വിരലടയാള വിദഗ്ധരും എത്തി അന്വേഷണം നടത്തിയെങ്കിലും യാതൊരു തുമ്പുമുണ്ടായിട്ടില്ല കനകാലയത്തില് നിന്നും 16 പവന് സ്വര്ണ്ണമാണ് രണ്ടാഴ്ച മുമ്പ് കളവ് പോയത്. മനയട്ട് പറമ്പില് ക്ഷേത്രത്തില് നിന്ന് 22 പവന് സ്വര്ണ്ണം കളവ് പോ യി.
ഇതിന്നൊന്നും പ്രതികള്ക്കെതിരെ യാതൊരു നടപടിയുടമെടുക്കാത്ത പോലീ സ് നിസ്സാര പ്രശ്നങ്ങളുടെ പേരില് നാട്ടില് സംഘര്ഷം സൃഷ്ടിക്കുകയാണ്.
