മലപ്പുറം: കഴിഞ്ഞ വര്ഷം ഭാഗ്യം ബ്രസീലിനൊപ്പമായതിനാല് മാത്രം വിട്ടുനല്കിയ സുബ്രതോ കപ്പ് തിരികെ വാങ്ങാന് എംഎസ്പി സ്കൂള് ടീം യാത്രയായി.
ദല്ഹിയില് നടക്കുന്ന സുബ്രതോ കപ്പ് അണ്ടര് 17 ഫുട്ബോള് ചാമ്പ്യന്ഷിപ്പില് ഭാരതത്തിന് വേണ്ടി കളത്തിലിറങ്ങുന്നത് ഇത്തവണയും മലപ്പുറം എസ്പിയുടെ കുട്ടിപ്പട്ടാളമാണ്. കിരീടം മാത്രം ലക്ഷ്യമിട്ട് നീങ്ങുന്ന ചുണക്കുട്ടികള്ക്ക് പ്രാര്ത്ഥനാനിര്ഭരമായ യാത്രയയപ്പാണ് മലപ്പുറം നല്കിയത്. എംഎസ്പി കമ്മ്യൂണിറ്റി ഹാളില് നടന്ന ചടങ്ങ് പി.ഉബൈദുല്ല എംഎല്എ ഉദ്ഘാടനം ചെയ്തു. എംഎസ്പി കമാന്ഡന്റ് ഉമ ബൈഹ്റ അദ്ധ്യക്ഷത വഹിച്ചു.
മലപ്പുറം ജില്ലാ പോലിസ് മേധാവി ദേബേഷ് കുമാര് ബൈഹ്റ മുഖ്യ പ്രഭാഷണം നടത്തി. ചടങ്ങില് എംഎസ്പി ടീം സോംഗ് പ്രകാശനം ചെയ്തു. ടീമിനെക്കുറിച്ച് നൗഫല് തയ്യാറാക്കിയ ഡോക്യുമെന്ററി പ്രദര്ശിപ്പിച്ചു. 30ന് ട്രെയിനിലാണ് ടീം ഡല്ഹിയിലേക്ക് പുറപ്പെടുക. ഇത്തവണ കിരീടം നേടാനുള്ള ആത്മവിശ്വാസമുണ്ടെന്ന് ടീമഗംങ്ങള് പറഞ്ഞു. മികച്ച പരിശീലനമാണ് ടീമിന് നല്കിയിട്ടുള്ളത്. ഭാരതത്തിനായി മലപ്പുറത്തിന്റെ കുട്ടികള് കിരീടം നേടുമെന്ന വിശ്വാസത്തിലാണ് മലപ്പുറത്തെ നാട്ടുകാര്.
