കടപ്ലാമറ്റം: കെ.ആര്‍. നാരായണന്‍ സ്മാരക റോഡിലെ മൂന്നുതോട് ജംഗ്ഷനില്‍ അപകടങ്ങള്‍ തുടര്‍ച്ചയാകുന്നു. ഈ ജംഗ്ഷനില്‍ ദിവസേന അപകടങ്ങള്‍ നടക്കുന്നതായി നാട്ടുകാര്‍ പറഞ്ഞു. കഴിഞ്ഞ ദിവസം കാറും ബൈക്കും കൂട്ടിയിടിച്ച് തൊടുപുഴ സ്വദേശിയായ ബൈക്ക് യാത്രക്കാരനു ഗുരുതര പരിക്കേറ്റിരുന്നു. തിരുവല്ല, ചങ്ങനാശേരി ഭാഗത്തു നിന്നു നെടുമ്പാശേരിയിലേയ്‌ക്കും തിരിച്ചും വരുന്ന വാഹനങ്ങളും ടോറസ്, ടിപ്പര്‍ ലോറികളും അമിതവേഗത്തില്‍ വരുന്ന മറ്റു വാഹനങ്ങളും ഈ ജംഗ്ഷനില്‍ ഗതാഗതക്കുരുക്കും സൃഷ്ടിക്കുന്നുണ്ട്. റോഡില്‍ രൂപപ്പെട്ടിരിക്കുന്ന കുഴികളും കട്ടിംഗുകളും അപകടസാധ്യത വര്‍ധിപ്പിച്ചിട്ടുണ്ട്. റോഡിന്റെ അറ്റകുറ്റപ്പണികള്‍ ഉടന്‍ ആരംഭിക്കുമെന്ന് പറയാന്‍ തുടങ്ങിയിട്ട് മാസങ്ങളേറെയായി. കിടങ്ങൂര്‍ മുതല്‍ കൂത്താട്ടുകുളം, മംഗലത്താഴെ വരെ വീതികൂട്ടി വളവുകള്‍ നിവര്‍ത്തി റോഡ് ആധുനിക നിലവാരത്തില്‍ പണിയുന്നതിന് നടപടികള്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു. കുമ്മണ്ണൂര്‍-കൂടല്ലൂര്‍ റോഡില്‍ രണ്ട് ഹമ്പ് കൂടി നിര്‍മിക്കുകയും സീബ്രാലൈന്‍ വരയ്‌ക്കുന്നതുള്‍പ്പെടെയുള്ള നടപടികള്‍ സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.
മൂന്നുതോട് ജംഗ്ഷനില്‍ അപകടപരമ്പര
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.