സ്വന്തം ലേഖകന്
പേരാമ്പ്ര: പേരാമ്പ്ര ബ്ലോ ക്ക് പഞ്ചായത്ത് വ്രസിഡന്റ് എം. കുഞ്ഞമ്മദിന്റെ ഔദ്യോഗിക വാഹനം രണ്ടാഴ്ചയോളമായി അജ്ഞാതവാസത്തില്. കെഎല് 56 ജി 9009 ടൊയോട്ട കാറാണ് അജ്ഞാത വാസത്തിലായിരിക്കുന്നത്. മാധ്യമ പ്രവര്ത്തകരും പൊ തുജനങ്ങളും നടത്തിയ നിരന്തര അന്വേഷണത്തിലാണ് ടൊയോട്ട കാര് ഇപ്പോള് കളമശ്ശേരിയിലെ ടൊയോട്ട വര്ക്ക് ഷോപ്പില് മുന്ഭാഗം തകര്ന്ന നിലയില് റിപ്പയറിന് കയറ്റിയിരിക്കുകയാണെന്ന് അറിയുന്നത്. അപകടത്തിന്റെ ആഘാതത്തില് കാറിന്റെ സസ്പെന്ഷന് ബോക്സ് റേഡിയേറ്റര്, ബമ്പര്, മഡ് ഗാര്ഡ് ഉള്പ്പെടെ തകര്ന്നതായിട്ടാണ് വിവരം. ആരാണ് ഈ വാഹനം ഉപയോഗിച്ചതെന്നോ എന്താവശ്യത്തിനാണ് കളമശ്ശേരിയിലേക്ക് വാ ഹനം കൊണ്ടുപോയതെന്നോ ഓഫീസ് രേഖകളില് ഒരുവിവരവുമില്ല.
പേരാമ്പ്ര ബ്ലോക്ക് പഞ്ചായത്തില് നിന്നും ഇത് സംബന്ധിച്ച ഒരു വ്യക്തതയും ലഭിക്കാത്ത സാഹചര്യത്തിലാണ് അന്വേഷണം അന്യ ജില്ലയിലേക്ക് നീണ്ടത്. അനധികൃത ഇടപാടുമായി ബന്ധപ്പെട്ടാണ് ഈ വാഹനം ദൂരൂഹസാഹചര്യത്തില് കളമശ്ശേരിയിലെത്തിയതെന്ന് സംശയമുണ്ട്. ബ്ലോക്ക് പഞ്ചായത്തിന്റെ ഡ്രൈവറാണോ കാര് ഡ്രൈവ് ചെയ്തത്.
അപകടത്തില് ആര് ക്കൊക്കെ പരിക്ക് പറ്റി പരി ക്ക് പറ്റിയവരെ ഏത് ആശുപത്രിയിലാണ് പ്രവേശിപ്പിച്ചിരിക്കുന്നത് തുടങ്ങിയ കാര്യങ്ങള് ഇപ്പോഴും ദുരൂഹമായി തുടരുകയാണ്.
വാഹനം അപകടത്തില്പ്പെട്ടതിനെപ്പറ്റി പൊതുസമൂഹത്തില് നിന്നു ബ്ലോക്ക് പഞ്ചായത്ത് അധികൃതര് വിവരം മറച്ച് വെക്കുന്നത്. സംഭവത്തിലെ നിയമവിരുദ്ധവും അധാര്മ്മികവുമായ കാര്യങ്ങളാണെന്ന് സംശയമുയര്ത്തിയിട്ടുണ്ട്.
ബ്ലോക്ക് പഞ്ചായത്ത് പ്രസിഡന്റിന്റെ നെയിം ബോര്ഡ് മാറ്റിയാണ് വാഹനം സഞ്ചരിച്ചതെന്നും ആക്ഷേപമുണ്ട്.
കള്ളപ്പണ ഇടപാടുകളും സ്വര്ണ്ണക്കടത്തും ഈ മേഖലയില് വ്യാപകമാണ്. ഇത്തരം ആവശ്യങ്ങള്ക്കായി വാഹനം ആരെങ്കിലും ഉപയോഗിക്കുന്നുണ്ടോ എന്ന കാര്യവും വിശദമായി അന്വേഷിക്കണമെന്ന ആവശ്യവും ഉയരുന്നുണ്ട്.
