കൊയിലാണ്ടി: ജവഹര് ലാല് നെഹറുവിനും ഇന്ത്യന് നാഷനണല് കോണ്ഗ്രസ്സിനും സ്വാതന്ത്രലബ്ധിവരെ മാത്രമെ ഗാന്ധിജിയെ ആവശ്യമുണ്ടായിരുന്നുള്ളു വെന്ന് പ്രമുഖ ഗാന്ധിയന് തായാട്ട് ബാലന് പറഞ്ഞു.
കേളപ്പജി സ്മാരക ചാരിറ്റബിള് ട്രസ്റ്റിന്റെ ആഭിമുഖ്യത്തില് കേളപ്പജിജയന്തിയോടനുബന്ധിച്ച് നടത്തിയ ഒതയോത്ത് വീട്ടിലെ സാംസ്കാരിക സംഗമത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
സ്വാതന്ത്ര്യത്തിനുശേഷം ഗാന്ധിയന് ചിന്തകളെ പാടെമാറ്റി നിര്ത്തി സോവിയറ്റ് റഷ്യയുടെയും അമേരിക്കയുടെയും ബ്രിട്ടന്റെയും നയപരിപാടികളെ ഇവിടെയ്ക്ക് പറിച്ചുനടുകയാണ് നെഹ്റുവും കോണ്ഗ്രസ്സും ചെയ്തത്. ഗ്രാമസ്വരാജും മദ്യനിരോധനവും അയിത്തോച്ചാടനവും സ്വദേശിയും ഗ്രാമോദ്ധാരണവും അവഗണിക്കപ്പെട്ടു.പ്രമുഖ ഗാന്ധിയന് തായാട്ട് ബാലന് പറഞ്ഞു.
നവോത്ഥാനമൂല്യങ്ങളെ തെരുവോരങ്ങളില് കുരിശിലേറ്റുന്ന തരത്തിലേയ്ക്ക് എത്തിച്ച് കേരളത്തിന്റെ രാഷ്ടീയ പരിസരം വികൃതമായിരിക്കുകയാണെന്ന് യോഗത്തില് പ്രഭാഷണം നടത്തിയ കേസരി വാരികയുടെ ചീഫ് എഡിറ്റര് ഡോ.എന്. ആര്. മധു അഭിപ്രായപ്പെട്ടു.കേളപ്പജിയുടെ മൂല്യങ്ങളെ പാടെ അവഗണിച്ച് മുന്നോട്ട് പോയ ഇടത് വലത് പ്രസ്ഥാനങ്ങളാണ് ഇതിനു കാരണം. അദ്ദേഹം പറഞ്ഞു.
സാംസ്കാരികസംഗമം ഗുരു ചേമഞ്ചേരി കുഞ്ഞിരാമന് നായര് ഉദ്ഘാടനം ചെയ്തു
പ്രശസ്തകവി മേലൂര് വാസുദേവന് പ്രഭാഷണം നടത്തി. ട്രസ്റ്റിന്റെ പ്രവര്ത്തനങ്ങളെപ്പറ്റി ചെയര്മാന് ഇ സി അനന്തകൃഷ്ണന് വിശദീകരിച്ചു. .പി ശശികുമാര് അദ്ധ്യക്ഷനായിരുന്നു . സതീദേവി സ്വാഗതവും കുമാരി ആതിര നന്ദിയും പറഞ്ഞു
കേളപ്പജി സ്മാരക ചാരിറ്റബിള് ട്രസ്റ്റ് ഒതയോത്ത് വീട്ടില് സംഘടിപ്പിച്ച
സാംസ്കാരിക സംഗമത്തില് തായാട്ട് ബാലന് മുഖ്യപ്രഭാഷണം നടത്തുന്നു
