കോഴിക്കോട്: അഞ്ചാമത് സീയറ്റ് മഹീന്ദ്ര ദേശീയ സ്പൈസ് ചലഞ്ച് റാലിയ്ക്ക് ഇന്ന് തുടക്കമാവും. റാലിയുടെ ഉദ്ഘാടനം ഇന്ന് വൈകീട്ട് 5.30ന് കോഴിക്കോട് വരയ്ക്കല് കടപ്പുറത്ത് നട ക്കുന്ന ചടങ്ങില് ഡെപ്യൂട്ടി പോലീസ് കമ്മീ ഷണര് ഡി. സാലി നിര്വ്വഹിക്കും. കോഴിക്കോട്ട് നിന്ന് ആരംഭിക്കുന്ന റാലി 13 ന് കൊച്ചിയില് സമാപിക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു. സിയറ്റ് ടയേഴ്സ് സ്പോണ്സര് ചെയ്യുന്ന റാലി ഇന്ത്യന് മോട്ടോര് സ്പോര് ട്സ് ക്ലബ്ബാണ് സംഘടിപ്പിക്കുന്നത്. പ്രൊഫഷണല്, അമേച്ച്വര്, കപ്പിള്സ്, നോവൈസ്, കേരളക്ലാസ് എന്നീ അഞ്ച് ഇനങ്ങളിലാണ് മത്സരം അരങ്ങേറുക. വിജയികള്ക്ക് ട്രോഫി യും മൂന്നരലക്ഷം രൂപയുടെ പ്രൈസ്മണിയും ലഭിക്കും. ഫെഡറേഷന് ഓഫ് മോട്ടോര് സ്പോര്ട്സ് ക്ലബ് അനുശാസിക്കുന്ന സമയം-വേഗത-ദൂരം എന്ന മാനദണ്ഡം അനുസരിച്ചാണ് റാലി ക്രമീകരിക്കുന്നത്. ദേശീയ ടി എസ് ഡി റാലി ചാംപ്യന്മാരായ ഈ റോഡ് സ്വദേശി കാര്ത്തിക് മാരുതി – ശങ്കരനാഥ് സഖ്യവും, വിവിധ റാലികളില് ചാമ്പ്യന്മാരായ കൊല്ക്കത്തയില് നിന്നുള്ള അസ്കര് അലി- മുഹമ്മദ് മുസ്തഫ, ചെന്നൈയില് നിന്നുള്ള ഗണേഷ്-നാഗരാജ് സഖ്യവുമുള്പ്പെടെ 23 ടീമുകള് സ്പൈസ് ചലഞ്ചില് മാറ്റുരയ്ക്കും.
കോഴിക്കോട് നിന്നും ആരംഭിച്ച് വയനാട് ജില്ലയിലൂടെ സഞ്ചരിച്ച് തൃശൂരില് റാലിയുടെ ആദ്യപാദം സമാപിക്കും. രണ്ടാംപാദം തൃശ്ശൂരി ല് നിന്നാരംഭിച്ച് കൊച്ചിയില് സമാപിക്കുമെന്നും സംഘാടകര് കൂട്ടിച്ചേര്ത്തു.
ഇന്ത്യന് മോട്ടോര് സ്പോര്ട്സ് ക്ലബ് പ്രസിഡന്റ് മൂസ ഷരീഫ്, സെക്രട്ടറി അശ്വിന് നായക്, സീയറ്റ് ടയേഴ്സ് സീനിയര് റീജ്യണല് മാനേജര് കുര്യന് തോമസ്, അശ്വിന് നാരായണ ന് എന്നിവര് വാര്ത്താസ മ്മേളന ത്തില് പങ്കെടുത്തു.
