കാഞ്ഞങ്ങാട്:’കഴിഞ്ഞ ദിവസം കൊളവയല് വിവേകാനന്ദ വിദ്യാമന്ദിരത്തിന് നേരെ യാതൊരു പ്രകോപനവുമില്ലാതെ ഒരു സംഘം സാമൂഹ്യദ്രോഹികള് നടത്തിയ അക്രമത്തെ ഭാരതീയ വിദ്യാനികേതന് കാസര്കോട് ജില്ലാ കമ്മറ്റി ശക്തമായി അപലപിച്ചു.
ബാലഗോകുലത്തിന്റെ ആഭിമുഖ്യത്തില് നടക്കുകയായിരുന്ന ഉറിയടി മത്സരം കഴിഞ്ഞയുടനെ മാരകായുധങ്ങളുമായി സംഘം അക്രമം നടത്തുകയായിരുന്നു. സംഘാടകരെയും സമീപനാസികളെയും ക്രൂരമായി അക്രമിക്കുകയും വീടുകള് തകര്ക്കുകയും ചെയ്തു.
വിദ്യാലയത്തിലെ പഠനോപകരണങ്ങളും ഫര്ണിച്ചറുകളും പാചക പാത്രങ്ങളും തുടങ്ങി സ്കൂളിലെ മുഴുവന് സാധനങ്ങളും അക്രമികള് നശിപ്പിച്ചു. കുട്ടികള് ഭയം മുലം സ്കൂളിലേക്ക് പോകാന് മടിക്കുകയാണ്. വീട്ടിലെത്തി രക്ഷിതാക്കളെ ഭീഷണിപ്പെടുത്തുന്നു. ഇത്തരം ഹീനമായ പ്രവര്ത്തികള്ക്ക് നേതൃത്വം നല്കുന്നവരെയും ചെയ്തവരെയും നിയമത്തിന്റെ മുന്നില് കൊണ്ടുവന്ന് കര്ശനമായ ശിക്ഷാ നടപടികള് സ്വീകരിക്കണമന്നും വിദ്യാലയം സുഗമമായി നടത്താനുള്ള സാഹചര്യം ഒരുക്കിത്തരണമെന്നും മുഖ്യമന്ത്രിയോടും ജില്ലാ ഭരണാധികരികളോടും പോലീസ് അധികാരികളോടും വിദ്യാനികേതന് ജില്ലാസമിതി ആവശ്യപ്പെട്ടു.
