പാലക്കാട്: സ്റ്റേറ്റ് റിസോഴ്സ് സെന്റര് സംസ്ഥാനതലത്തില് നടത്തുന്ന എസ്.ആര്.സി ഫോട്ടോഗ്രാഫി അവാര്ഡിന് അപേക്ഷ ക്ഷണിച്ചു. കാണാകേരളം (ഡിലെലി ഗലൃമഹമ) എന്ന വിഷയത്തില് കേരളത്തിന്റെ തനതു കലാരൂപങ്ങള്, ആഘോഷങ്ങള്, പ്രാദേശിക ഉത്സവങ്ങള്, മനോഹര പ്രകൃതി ദൃശ്യങ്ങള് എന്നിങ്ങനെ പുറംലോകത്തിന് ഏറെ പരിചിതമല്ലാത്തതും കേരളത്തിന്റെ പൈതൃകത്തെ വെളിപ്പെടുത്തുന്നതുമായ പ്രാദേശിക – ദേശീയതലത്തില് ശ്രദ്ധിക്കപ്പെടുന്ന അപൂര്വ ചിത്രങ്ങളാണ് പരിഗണിക്കുക. ഫോട്ടോയോടൊപ്പം ആകര്ഷകമായ അടിക്കുറിപ്പും പേരും പൂര്ണമായ മേല്വിലാസവും രേഖപ്പെടുത്തണം. 12’ഃ’18’ സൈസിലുളള കളര് ഫോട്ടോയാണ് എന്ട്രിയായി അയയ്ക്കേണ്ടത്. ഒരാള്ക്ക് ഒന്നുമുതല് മൂന്ന് എന്ട്രികള് വരെ അയയ്ക്കാം. അടിക്കുറിപ്പോടെയുളള ഒറിജിനല് ഫോട്ടോയും ഒറിജിനല് സി.ഡിയും നല്കണം. കമ്പ്യൂട്ടര് സങ്കേതികത ഉപയോഗിച്ച ഫോട്ടോകള് സ്വീകരിക്കുന്നതല്ല. എന്ട്രികള് 30 നു മുമ്പ് ഡയറക്ടര്, സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി.ഒ, തിരുവനന്തപുരം എന്ന വിലാസത്തില് ലഭ്യമാക്കണം.
ഒന്ന്, രണ്ട്, മൂന്ന് സ്ഥാനത്തിന് അര്ഹരാകുന്നവര്ക്ക് യഥാക്രമം 12000, 8000, 6000 രൂപ കാഷ് പ്രൈസ് ആയി ലഭിക്കും. പ്രോത്സാഹന സമ്മാനമായി 2000 രൂപയാണ് നല്കുക. അവാര്ഡിന് ലഭിക്കുന്ന എന്ട്രികള് ദേശീയ സാക്ഷരതാമിഷന് – സ്റ്റേറ്റ് റിസോഴ്സ് സെന്റര് പ്രസിദ്ധീകരണങ്ങള്ക്കായി ഉപയോഗിക്കുന്നതാണ്.ഇതിനായി ഒരു സമ്മതപത്രം അപേക്ഷകന്റെ ഒപ്പോടെ ഫോട്ടോയോടൊപ്പം അയയ്ക്കേണ്ടതാണ്. പ്രസിദ്ധീകരണങ്ങള്ക്ക് ഉപയോഗിക്കുന്ന ചിത്രങ്ങള്ക്ക് പ്രതിഫലം നല്കും. കൂടുതല് വിവരങ്ങള് മേല്പറഞ്ഞ വിലാസത്തില് ലഭിക്കും. നിബന്ധനകളുടേയും സമ്മതപത്രത്തിന്റേയും പകര്പ്പ് ജില്ലാ ഇന്ഫര്മേഷന് ഓഫീസില് ലഭിക്കും. വിശദവിവരങ്ങള്ക്ക് ഫോണ്: 0471 2325101, 2325102, ംംം.െൃര.സലൃമഹമ.ഴീ്.ശി.
