ബെംഗളൂരു നഗരസഭാ തെരഞ്ഞെടുപ്പില് ബിജെപിക്ക് ജയം. ത്രികോണ മത്സരമായിരുന്നെങ്കിലും പ്രധാനമായും ബിജെപിയും കോണ്ഗ്രസും തമ്മിലായിരുന്നു മത്സരം. തെരഞ്ഞെടുപ്പില് കോണ്ഗ്രസ് മുന്നേറ്റമുണ്ടാക്കുമെന്നായിരുന്നു എക്സിറ്റ് പോള് പ്രവചനങ്ങള്. എന്നാല് ഇതെല്ലാം മാറ്റിമറിച്ചാണ് ബിജെപി മുന്നേറിയത്. കോണ്ഗ്രസ് മുഖ്യമന്ത്രി സിദ്ധരാമയ്യയുടെ അഭിമാനപ്പൊരാട്ടമായിരുന്നു കോര്പ്പറേഷന് തെരഞ്ഞെടുപ്പ്. സിദ്ധരാമയ്യ നേരിട്ടിറങ്ങിയാണ് പ്രചാരണങ്ങള്ക്ക് നേതൃത്വം നല്കിയത്. പ്രതീക്ഷിച്ച മുന്നേറ്റം കാഴ്ചവെയ്ക്കാന് സാധിക്കാത്തത് പാര്ട്ടിക്കും സിദ്ധരാമയ്യയ്ക്കും തിരിച്ചടിയായിരിക്കുകയാണ്. ഈ തെരഞ്ഞെടുപ്പ് ഫലം കോണ്ഗ്രസിനുള്ളില് ആഭ്യന്തര പ്രശ്നങ്ങള് വര്ധിപ്പിക്കും. അതേസമയം സംസ്ഥാനത്ത് വീണ്ടും ഭരണം പിടിക്കാനുള്ള ബിജെപിയുടെ ശ്രമങ്ങള്ക്ക് ശക്തി പകരുകയും ചെയ്യും. സംസ്ഥാനം ഭരിക്കുന്ന കോണ്ഗ്രസ് സര്ക്കാരിന് കനത്ത തിരിച്ചടിയായിരിക്കുകയാണ് നഗരസഭാ ഫലങ്ങള്. നേരത്തെ മദ്ധ്യപ്രദേശിലേയും രാജസ്ഥാനിലേയും തദ്ദേശ സ്ഥാപന തെരഞ്ഞെടുപ്പുകളില് ബിജെപി ഉജ്ജ്വല വിജയം നേടിയിരുന്നു.
സൂരജ്
