കൊല്ലം: പുതിയകാവ് ഭഗവതീക്ഷേത്രത്തില് കര്ക്കിടകമാസത്തിലെ മകം നക്ഷത്രത്തില് നടന്നുവരാറുള്ള സൗഭാഗ്യപൂജ 15ന് രാവിലെ ആറിന് ആരംഭിക്കും. രാവിലെ ആറുമുതല് വൈകിട്ട് ആറരവരെ തുടര്ച്ചയായി ഒരുമണിക്കൂര് വീതമുള്ള പത്ത് ഘട്ടങ്ങളിലായി നടക്കുന്ന ഉദയാസ്തമന ലളിതാ സഹസ്രനാമാര്ച്ചനയില് 10,000 ല്പ്പരം ഭക്തര് പങ്കെടുക്കും. ഉദ്ദിഷ്ട കാര്യസിദ്ധിക്കും സാമൂഹ്യനന്മക്കും വേണ്ടി നടത്തുന്ന ഈ സാമൂഹ്യപൂജ ക്ഷേത്രമേല്ശാന്തിയും മുന് ശബരിമല മേല്ശാന്തിയുമായ തന്ത്രരത്നം എന്.ബാലമുരളി ഭദ്രദീപം കൊളുത്തി ഉദ്ഘാടനം ചെയ്യും. ഓരോ ഘട്ടത്തിലും 1000 പേര്വീതമാണ് അര്ച്ചനയില് പങ്കെടുക്കുന്നത്. 1000 പേര്വീതം 10 ഘട്ടങ്ങളിലായി 1000 മന്ത്രം വീതം ജപിച്ച് അര്ച്ചന ചെയ്യുമ്പോള് കോടിയര്ച്ചനയുടെ ഫലമാമുണ്ടാകുക. ഭക്തജനങ്ങള് ഒരു ദിവസത്തെ വ്രതാനുഷ്ഠാനം പാലിക്കണം. അര്ച്ചനയ്ക്ക് ആവശ്യമായ പൂക്കള് ക്ഷേത്രത്തില് നിന്നും ലഭിക്കും. പൂജയില് പങ്കെടുക്കുന്നവര് മുന്കൂര് ബുക്ക് ചെയ്യേണ്ടതാണ്.
പുതിയകാവ് ക്ഷേത്രത്തില് സൗഭാഗ്യപൂജ 15ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.