ധാര്മികചിന്ത അഥവാ ഈശ്വരഭക്തിയുണ്ടാകാനുള്ള ഏകമാര്ഗം ഭക്തന്മാരുമായുള്ള സമ്പര്ക്കമാണ്.
ജനങ്ങള് ദുഷിച്ചുപോകുന്നതും ആസുരബുദ്ധികളായിത്തീരുന്നതും മായയുടെ സ്വാധീനംമൂലമാണെന്ന് ഭഗവദ് ഭക്തന്മാര്ക്കറിയാം. തന്നില് അന്തര്ലീനമായുള്ള കുലീനമായ ചിത്തവൃത്തി അസൂയയുടെ സ്പര്ശം പോലുമില്ലാതെ അസുരന്മാരുടെ ഗുണത്തെക്കുറിച്ചുമാത്രം ചിന്തിക്കാന് ഭക്തനെ പ്രേരിപ്പിക്കുന്നു. ഒരുവന് ഭഗവാനോട് അപരാധം പ്രവര്ത്തിച്ചാലും അദ്ദേഹത്തിന്റെ യഥാര്ത്ഥ ഭക്തന് അയാളെ രക്ഷിക്കാന് കഴിയും. എന്നാല് ഭക്തനോട് അപരാധം പ്രവര്ത്തിക്കുന്നതിനെ ഭഗവാന് പോലും രക്ഷിക്കുകയില്ല.
മനുഷ്യര് പ്രകൃത്യാ തന്നെ ക്രീഡാസക്തരും അച്ചടക്കമില്ലാത്തവരുമാണ്. നഴ്സറി സ്കൂളുകളില് പഠിത്തത്തില് താല്പര്യമുണ്ടാക്കാന് വേണ്ടി വിനോദാവസരങ്ങളും കളിപ്പാട്ടങ്ങളും നല്കുന്നു. അതുപോലെ ത്യാഗമനോഭാവത്തോടെ കര്മ്മങ്ങളനുഷ്ഠിക്കാന് പ്രാരംഭ ഭക്തന് പരിശീലനം നല്കപ്പെടുന്നു. വേദഗ്രന്ഥങ്ങളുടെ അനുശാസനമനുസരിച്ച് മൂര്ത്തികളെ ആരാധിക്കാന് അവന് ഉപദേശം നല്കണം.
