595. ജഗദ്ഗൗരീഃ – ജഗത്തിനെ തന്റെ കീര്ത്തികൊണ്ട് ഗൗരവര്ണമാക്കുന്നവള്. ജഗത്ത് പരിണാമിയാണ്. നിരന്തരമായി മാറുന്ന സ്വഭാവമുള്ളതുകൊണ്ട് പ്രപഞ്ചത്തിനു ജഗത്ത് എന്നുപേര്. ”ഗച്ഛതി ഇതി ജഗത്” (ഗമിക്കുന്നതുകൊണ്ടു ജഗത്ത്) എന്ന് ക്ഷീരസ്വാമി, ലിംഗസൂരി തുടങ്ങിയ ആചാര്യന്മാര് ഈ പദത്തെ നിര്വചിക്കുന്നു.
ഗൗരവര്ണ്ണമുള്ളവള് ഗൗരീ. ഗൗരവര്ണ്ണത്തിന് വെളുപ്പ്, മഞ്ഞയും ചെമപ്പും ചേര്ന്നനിറം, സ്വര്ണ്ണവര്ണം എന്നീ അര്ത്ഥങ്ങളുണ്ട്. ഗൗരവര്ണം കീര്ത്തിയെ കുറിക്കുന്നു. മാനസീദേവിയുടെ സര്പ്പരൂപത്തില് കീര്ത്തിയെ കുറിക്കുന്നു. മാനസീദേവിയുടെ സര്പ്പരൂപത്തില് സ്വര്ണവര്ണമാണു ദേവിക്കുള്ളത്. രണ്ടു പദങ്ങളും ചേര്ന്ന ജഗദ് ഗൗരീ എന്ന നാമത്തിന് സൗന്ദര്യംകൊണ്ടും തപശ്ചര്യകൊണ്ടും ലോകത്തെ അനുഗ്രഹിക്കുന്ന കീര്ത്തിമതി എന്നു വ്യാഖ്യാനം.
596. യോഗിനീഃ – യോഗാചാര്യനായ ശ്രീപരമേശ്വരനില് നിന്ന് മന്ത്രവും ആരാധനാക്രമങ്ങളും പഠിച്ച ശിഷ്യയും ഗുരുപദേശമനുസരിച്ച് മൂന്നുയുഗങ്ങള് നീണ്ട തപസ്സ് ചെയ്ത് ശരീരത്തെ ജീര്ണ്ണിപ്പിച്ച് ശ്രീകൃഷ്ണന്റെ പ്രീതി നേടിയവളും ആയതുകൊണ്ട് യോഗിനീ എന്നു നാമം.
597. ഭോഗിനീഃ – ഭോഗ ശബ്ദത്തിനു സര്പ്പ ശരീരം എന്നും അര്ത്ഥമുണ്ട്. മാനസീദേവിക്ക് സര്പ്പശരീരവും ഉള്ളതുകൊണ്ട് ഭോഗിനീ എന്നുപേര്.
തന്നെ ആരാധിക്കുന്ന ആധിഭൗതികവും അധ്യാത്മികവുമായ സുഖഭോഗങ്ങള് നല്കി അനുഗ്രഹിക്കുന്നതിനാലും ദേവിക്കു ഭോഗിനീ എന്നുപേര്.
… തുടരും
