വാഷിങ്ടണ്: ഭാരതവുമായി നല്ല ബന്ധം സ്ഥാപിക്കുന്നതാണ് പാക്കിസ്ഥാന്റെ ഭാവിക്ക് നല്ലതെന്ന് പാക്കിസ്ഥാനിലെ യുഎസ് അംബാസഡര് പറഞ്ഞതിനു പിന്നാലെ ഇരു രാജ്യങ്ങളും തമ്മിലുള്ള പ്രശ്നങ്ങള് സ്വയം പരിഹരിക്കണമെന്ന് അമേരിക്കന് ആഭ്യന്തര മന്ത്രാലയം. റംസാന് ആശംസയറിയിക്കാന് യുഎസ് ആഭ്യന്തര സെക്രട്ടറി ജോണ് കെറി പാക്കിസ്ഥാന് പ്രധാനമന്ത്രി നവാസ് ഷെരീഫിനെ വിളിച്ചുവെന്നും ഈ നിലപാട് അറിയിച്ചുവെന്നും ആഭ്യന്തര വക്താവ് ജോണ് കിര്ബി പറഞ്ഞു.
ഇരു രാജ്യങ്ങളും ഉള്പ്പെട്ട മേഖലയിലെ സുരക്ഷാ കാര്യങ്ങളില് ഉത്തരവാദി പാക്കിസ്ഥാനാണെന്നും അത് പരിഹരിക്കുമെന്നുമുള്ള പ്രതീക്ഷ അമേരിക്ക തുടരുന്നതായും കിര്ബി പ്രതിദിന പത്രമ്മേളനത്തില് പറഞ്ഞു.
ഭാരത- പാക്കിസ്ഥാന് പ്രശ്നങ്ങളില് കെറി അഭിപ്രായം പറഞ്ഞതായി നിങ്ങളറിഞ്ഞിരിക്കുമെന്ന് ചോദ്യത്തിനു മറുപടി പറഞ്ഞ കിര്ബി, പ്രധാനമന്ത്രി നരേന്ദ്ര മോദി പാക്കിസ്ഥാന് പ്രധാനമന്ത്രി ഷെരീഫിന് റംസാന് മാസ ആശംസ അറിയിച്ചതിനു പിന്നാലെ ജോണ് കെറിയും ഷെരീഫിനെ ഫോണ് വിളിച്ച് ആശംസയറിയിച്ചുവെന്നു പറഞ്ഞു.
ഇരു രാജ്യങ്ങള്ക്കുമിടയില് അടുത്തിടെ വര്ദ്ധിച്ച സംഘര്ഷ സ്ഥിതിയെക്കുറിച്ചു സംസാരിച്ചു. ഈ വിഷയം എല്ലാവര്ക്കും ഉത്കണ്ഠയുണ്ടാക്കുന്നതാണ്, അതിനാല് തമ്മിലുള്ള പ്രശ്നങ്ങള് സ്വയം തീര്ക്കണമെന്ന് കെറി നിര്ദ്ദേശിച്ചു, കിര്ബി പറഞ്ഞു.
