പാരിസ്: മെയ്ക് ഇന് ഇന്ത്യ പദ്ധതിയുടെ ഭാഗമായി ഭാരതത്തില് ഡ്രോണ് നിര്മ്മിക്കാനുള്ള കരാറില് ഫ്രാന്സിലെ എല് എച് എവിയേഷനുമായി ഇന്ത്യന് ഒഐഎസ് അഡ്വാന്സ്ഡ് ടെക്നോളജീസ് ഒപ്പുവെച്ചു.
ഇതിനുള്ള നിയമ നടപടികള് പൂര്ത്തീകരിച്ചശേഷം നൂറുകണക്കിന് ഡ്രോണുകള് പ്രാദേശികമായി ഭാരതത്തില് വികസിപ്പിക്കുന്നതാണ്. സൈനിക- ഇതര വിഭാഗങ്ങളില് സുരക്ഷയ്ക്കായാണ് ഡ്രോണുകള് കൂടുതലായി ഉപയോഗിക്കുന്നത്.
പൈലറ്റില്ലാത്ത കുഞ്ഞന് വിമാനങ്ങളാണ് ഡ്രോണുകള്. നാല് ദശലക്ഷം യൂറോയാണ് പദ്ധതിയുടെ മൊത്തം നടത്തിപ്പിനായി വകയിരുത്തുന്നത്.
280 കിലോഗ്രാം വരെ ഭാരം വഹിക്കാന് ശേഷിയുള്ള ഡ്രോണുകളാണ് ഭാരതത്തില് വികസിപ്പിക്കുന്നത്. 61 മുതല് 185 കിലോമീറ്റര് വരെ വേഗത. ഒരു മണിക്കൂര് വിമാനത്തിന് പറക്കാന് 80 യൂറോയാണ് ചെലവ് പ്രതീക്ഷിക്കുന്നത്.
