പത്തനാപുരം: രാജ്യം ഭരിക്കുന്ന മോദിസര്ക്കാര് പാവപ്പെട്ടവര്ക്ക് വേണ്ടി ഭരണം നടത്തുന്നതിന്റെ ഉദാഹരണമാണ് പ്രധാനമന്ത്രിയുടെ ഇന്ഷുറന്സ്, ജന് ധന് യോജന, പെന്ഷന്, സുകന്യ പദ്ധതികള് എന്ന് പട്ടാഴി ബിജെപി പത്തനാപുരം മണ്ഡലം പ്രസിഡന്റ് സുഭാഷ് പട്ടാഴി. വടക്കേക്കര പഞ്ചായത്തില് മേതുകുംമേല് നടന്ന മെഗാ ഇന്ഷുറന്സ് ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.
സ്ത്രീകള്ക്കും മുതിര്ന്നവര്ക്കും കുഞ്ഞുങ്ങള്ക്കും എല്ലാം ജീവിതത്തില് സുരക്ഷ നല്കുന്ന ലോകത്തിലെ തന്നെ മികച്ച പദ്ധതികള് ആണ് കേന്ദ്ര സര്ക്കാരിന്റേത്. ആശയപരമായി ബിജെപിയെ എതിര്ക്കാമെങ്കിലും അതിന്റെ പേരില് കേന്ദ്രസര്ക്കാരിന്റെ ജനോപകാര പദ്ധതികള്ക്ക് തുരങ്കം വയ്ക്കുന്നത് രാജ്യദ്രോഹം തന്നെയാണെന്നും സുഭാഷ് പട്ടാഴി പറഞ്ഞു.
പഞ്ചായത്ത് കമ്മറ്റി പ്രസിഡന്റ് സദാശിവന് അദ്ധ്യക്ഷത വഹിച്ച യോഗത്തില് ജില്ലാ വൈസ് .പ്രസിഡന്റ് ദേവകിയമ്മ, നിയോജകമണ്ഡലം വൈസ് പ്രസിഡന്റ് ജെ. രമേശന്, ഇന്ത്യന് ബാങ്ക് പ്രതിനിധി സോണി, ഗ്രാമീണ ബാങ്ക് മാനേജര് കമ്മത്ത്, ദിനേഷ്കുമാര്, ഹരീഷ്കുമാര്, ഗോപന്, രാജന് എന്നിവര് സംസാരിച്ചു.
