ഇസ്ലാമാബാദ്: ലോകമെമ്പാടും ഭൂകമ്പങ്ങളുണ്ടാകാന് കാരണം സ്ത്രീകള് ജീന്സ് ധരിക്കുന്നതാണെന്ന് ജമിയത്ത് ഉലേമ ഇ ഇസ്ലാമി ഫസല് എന്ന മതരാഷ്ട്രീയ സംഘടനയുടെ തലവന് മൗലാന ഫസ്ലൂര് റഹ്മാന്. പാകിസ്ഥാനില് ജീന്സ് ധരിക്കുന്ന സ്ത്രീകള്ക്കെതിരെ പാക് സൈന്യം നടപടി സ്വീകരിക്കണമെന്നും അദ്ദേഹം ആവശ്യപ്പെടുന്നു.
സ്ത്രീകളെ ചാക്കില് പൊതിഞ്ഞ അരിപോലെ വീട്ടിനുള്ളില് സൂക്ഷിച്ചാല് താലിബാന്റെ ആക്രമണങ്ങള് വരെ ഇല്ലാതാകും. അതിനുപകരം സ്ത്രീകള് ജീന്സിട്ട് തെരുവിലൂടെ നടക്കുകയാണ്.
അത് ഏതുവിധത്തിലും തടയണം. പാക്കിസ്ഥാനിലുണ്ടാകുന്ന ഊര്ജ പ്രതിസന്ധികള്ക്കും സുരക്ഷാ പ്രതിസന്ധിക്കും കാരണം സ്ത്രീകള് ജീന്സ് ധരിക്കുന്നതാണെന്നും അദ്ദേഹം പറഞ്ഞു.
താലിബാന് അല്ല പാക്കിസ്ഥാന്റെ യഥാര്ഥ ശത്രു. അതുകൊണ്ട് പാക്ക് സൈന്യം താലിബാനെതിരെയല്ലാ പോരാടേണ്ടത്. താലിബാന് സഹോദരങ്ങള് പാക്കിസ്ഥാനെ ആക്രമിക്കില്ലെന്നും മൗലാന റഹ്മാന് പറയുന്നു. ഇസ്!ലാമാബാദില് നടത്തിയ പത്ര സമ്മേളനത്തിലാണ് ഇക്കാര്യങ്ങള് അദ്ദേഹം വ്യക്തമാക്കിയത്.
