നാഗപ്പൂര്: ഭൂകമ്പ ദുരന്തത്തില് തകര്ന്നടിഞ്ഞ നേപ്പാളിന് സഹായമെത്തിക്കാന് സഹകരിച്ചവര്ക്ക് രാഷ്ട്രീയ സേവാ ഭാരതി നന്ദി അറിയിച്ചു. നേപ്പാളില് സേവാ ഭാരതി നടത്തിയ സേവനപ്രവര്ത്തനങ്ങള് ശ്യാംജി പരാണ്ഡെ വിവരിച്ചു.
നേപ്പാളിലെ ഹിന്ദു സ്വയംസേവക സംഘും മറ്റ് ആറ് സംഘടനകളും ചേര്ന്ന് ദുരന്തമുണ്ടായി മൂന്നു മണിക്കൂറിനുള്ളില് രക്ഷാ പ്രവര്ത്തനങ്ങള് തുടങ്ങി. ദുരന്തം ബാധിച്ച മുഴുവന് ജില്ലകളിലുമായി ഈ സംഘടനകളിലെ 1600 പ്രവര്ത്തകര് രക്ഷാ പ്രവര്ത്തനങ്ങളില് സക്രിയരായി. നേപ്പാള് ജന്കല്യാണ് പ്രതിഷ്ഠാന്, പശുപതി ശിക്ഷാ സമിതി, നേപ്പാള് പ്രാജ്ഞിക് വിദ്യാര്ത്ഥി പരിഷത്, നേപ്പാള് വിശ്വഹിന്ദുപരിഷത്, നേപ്പാള് ജന്ജാതി കല്യാണ് പരിഷത്, നേപ്പാള് സേവാ ഇന്റര് നാഷണല് എന്നീ സംഘടനകളാണ് രക്ഷാ-സേവന പ്രവര്ത്തനങ്ങളില് പങ്കെടുത്തത്.
എല്ലാത്തരം ദുരിതാശ്വാസ സാമഗ്രികളും ഭാരതത്തില്നിന്നു സമാഹരിച്ച് വിതരണം ചെയ്യാന് സാധിച്ചു. ഭൂകമ്പ ബാധിത പ്രദേശത്ത് അടിയന്തരമായി വേണ്ടിയിരുന്നത് ഭക്ഷണവും പാര്പ്പിട സൗകര്യങ്ങളുമായിരുന്നു. ആദ്യ മൂന്നു മണിക്കൂറിനുള്ളില്ത്തന്നെ ഇവയെത്തിക്കാന് തുടങ്ങി.
നേപ്പാളില് രാഷ്ട്രീയ സേവാഭാരതി വിതരണംചെയ്ത് സാമഗ്രികളുടെ കണക്ക് ഇങ്ങനെയാണ്. 55,133 ടാര്പോളിന്, 40,000 കിലോ അരി, 1500 ചാക്ക് അരി. 1300 ചാക്ക് ഗോതമ്പുപൊടി, 83,790 ബ്ലാങ്കറ്റുകള്, 70,764 ഭക്ഷണപ്പൊതികള്, 13,017 കിലോ പഞ്ചസാര, 1877 കിലോ ഉപ്പ്, 500 ചാക്ക് ശര്ക്കര, അഞ്ചുലക്ഷം രൂപയുടെ മരുന്നുകള്.
വിമാനമാര്ഗ്ഗവും റെയില്-റോഡു മാര്ഗ്ഗവുമാണ് ദുരിതാശ്വാസ സാമഗ്രികള് അയച്ചത്. 200 മെട്രിക് ടണ് വസ്തുക്കള് എത്തിച്ച് വിതരണം ചെയ്തു. 30 ടണ്ണോളം ഇനിയും വിതരണം ചെയ്യാനുണ്ട്.
ഇത്രയും വലിയ ദുരിതാശ്വാസ പ്രവര്ത്തനത്തിനു സഹായകമായി സാമഗ്രികളും പണവും ദാനംചെയ്യാന് തയ്യാറായ എല്ലാവരേയും രാഷ്ട്രീയ സേവാ ഭാരതിയുടെ നന്ദി ശ്യാംജി പരാണ്ഡെ അറിയിച്ചു. റോട്ടറി ഇന്റര്നാഷണല്, ബുള്ളിയന് മര്ച്ചന്റ് അസോസിയേഷന്, ബ്രഹമകുമാരീസ്, ശാസ്ത്ര യൂണിവേഴ്സിറ്റി, ഭാരത് വികാസ് പരിഷത്, ഇന്ത്യന് ഓയില് കോര്പ്പറേഷന്, ഗോകുല് വിരാജ് ഫൗണ്ടേഷന്, ആശീര്വാദ് ട്രസ്റ്റ്, എബിവിപി, വിഎച്ച്പി, ദല്ഹി റസിഡന്റ്സ് വെല്ഫെയര് അസോസിയേഷന് തുടങ്ങിയവയാണ് സേവാ ഭാരതിയെ സഹായിച്ചവരില് മുന്നില്.
