ദോഹ: ഫേസ്ബുക്കില് പ്രവാചകനെ അവഹേൡച്ചെന്നാരോപിച്ച് നിരപരാധിയായ മലയാളി യുവാവിനെ മര്ദ്ദിച്ചവശനാക്കിയ സംഭവത്തില് നിരവധി മലയാളികള് കുടുങ്ങും. യുവാവിനെ മര്ദ്ദിക്കാന് കൂടിയവരെയെല്ലാം ഖത്തര് പോലീസ് വീഡിയോയില് നിന്ന് തിരിച്ചറിഞ്ഞിട്ടുണ്ട്. ഇവരെ ഉടന് അറസ്റ്റ് ചെയ്യും. നിയമം കൈയിലെടുക്കാന് ആരെയും അനുവദിക്കില്ലെന്ന കര്ശന നിലപാടിലാണ് ഖത്തര് അധികൃതര്.
ഏതാനും ദിവസം മുന്പാണ് ഫേസ്ബുക്കില് പ്രവാചകനെ അവഹേൡക്കുന്ന പോസ്റ്റ് ഇട്ടതെന്നാണ് ആരോപണം. ഇതു നടന്നയുടന് ഇതിനുത്തരവാദിയായ യുവാവിനെ കമ്പനി സസ്പെന്ഡു ചെയ്യുകയും അയാള് നാട്ടിലേക്ക് മടങ്ങുകയും ചെയ്തിരുന്നു. ഫേസ്ബുക്കിലെ ഫോട്ടോയുമായി മുഖസാദൃശ്യമുള്ള ഒരു യുവാവിനെയാണ് ഖത്തറിലെ, ഒരു മതവിഭാഗത്തില് പെടുന്ന ചില മലയാളികള് വളഞ്ഞിട്ട് തല്ലിയത്. മര്ദ്ദനമേറ്റ ഇയാള് ഗുരുതരാവസ്ഥയില് ആശുപത്രിയില് ചികില്സയിലാണ്.
ഇത് വാര്ത്തയായയുടന് ഖത്തര് പോലീസ് അന്വേഷണം തുടങ്ങി. ഖത്തര് അധികൃതര് പ്രവാസിഭാരതീയരുടെ സംഘടനകളുടെ അടിയന്തരയോഗം വിളിക്കുകയും യുവാവിന് മര്ദ്ദനമേറ്റ സംഭവത്തില് കര്ശന നടപടി എടുക്കുമെന്ന് ഉറപ്പുനല്കുകയും ചെയ്തു.
മാത്രമല്ല ഖത്തറില് ശക്തമായ നിയമപരിപാലന വ്യവസ്ഥ ഉണ്ടായിരിക്കെ അതിനെ വെല്ലുവിളിച്ച് ചിലര് നിയമം കൈയിലെടുത്തതിനെ ഖത്തര് അധികൃതര് ഗുരുതരമായിട്ടാണ് കാണുന്നതും. ഭാരതവുമായുള്ള നയതന്ത്രബന്ധം മോശമാക്കാനും ഖത്തറിന് താല്പ്പര്യമില്ല. സംഭവത്തില് അടിയന്തര നടപടി വേണമെന്ന് നയതന്ത്രാലയം സര്ക്കാരനോട് ആവശ്യപ്പെട്ടിട്ടുമുണ്ട്.
ഏതാനും മാസം മുന്പാണ് ഗള്ഫില് അധ്യാപികയായ കണ്ണൂര് സ്വദേശിനി പ്രധാനമന്ത്രി നരേന്ദ്ര മോദിയെ അവഹേളിച്ച് ഫേസ് ബുക്കില് പോസ്റ്റിട്ടത് വിവാദമായത്. അന്ന് അവര്ക്കെതിരെ നടപടി തുടങ്ങിയപ്പോള് മോദിക്കും പരിവാര് സംഘടനകള്ക്കുമെതിരെ ഫേസ് ബുക്കില് ഒരു വിഭാഗം ഉറഞ്ഞുതുള്ളിയിരുന്നു. അധ്യാപികയുടെ മനുഷ്യവകാശം ലംഘിക്കുകയാണെന്നു വരെ വാദമുയര്ന്നിരുന്നു. അന്ന് കോലാഹലമുണ്ടാക്കിയവര്ക്ക് ഇപ്പോള് മിണ്ടാട്ടമില്ല. പ്രവാചകനെ അവഹേൡച്ചെന്നു പറഞ്ഞ് അന്യനാട്ടിലിട്ട് നിരപരാധിയായ മലയാളിയെ മലയാളികളാണ് തല്ലിച്ചതച്ചത്.
