പെരിനാട്: പ്രധാനമന്ത്രി നരേന്ദ്രമോദി ലയിക്കുന്ന ബിജെപി സര്ക്കാരിന്റെ ഭരണം സാധാരണക്കാരനു വേണ്ടിയുള്ളതാണെന്ന് ബിജെപി സംസ്ഥാന വക്താവ് വി.വി.രാജേഷ് പറഞ്ഞു. ബിജെപി പെരിനാട് പഞ്ചായത്ത് സമിതി സംഘടിപ്പിച്ച ജനകീയ സദസു ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മന്മോഹന്സിംഗ് പത്തുവര്ഷംകൊണ്ട് ചെയതത് മോദി പത്തുമാസം കെണ്ട് ചെയ്തു. സാധാരണജനങ്ങള്ക്കുവേണ്ടി ചിന്തിക്കുകയും എവിടെ ചെന്നാലും ഇന്ത്യയുടെ പട്ടിണി പാവങ്ങള്ക്കു വേണ്ടി പ്രവര്ത്തിക്കുകയും ചെയ്യുന്നു. മോദിയുടെ വികസനകാര്യങ്ങള് ചര്ച്ച ചെയ്യാതെ ചിലമാധ്യമങ്ങള് മോദിവിരുദ്ധ വാര്ത്തകള് നല്കുന്നു. കൊല്ലം ജില്ലയിലും അലപ്പുഴ ജില്ലയിലുമായി മുടങ്ങികിടന്ന ബൈപ്പാസ് നിര്മ്മാണപ്രവര്ത്തനം വീണ്ടും കൊണ്ടുവരാന് നരേന്ദ്രമോദി സര്ക്കാരിനു സാധിച്ചു.
വികസനം ആണുങ്ങള് കൊണ്ടു വന്നപ്പോള് അതു ഞങ്ങളുടെ ശ്രമമാണെന്നു പറയുന്നവര് കഴിഞ്ഞ പത്ത് വര്ഷം എവിടെ പോയിരുന്നുവെന്നും വി.വി.രാജേഷ് ചോദിച്ചു. കേരളത്തിലെ ജനങ്ങള് ഇടതിനെയും വലതിനെയും വെറുത്തു അവരുടെ വികസന പ്രതീക്ഷകള് ഇനി ബിജെപിയിലാണ്. അതുകൊണ്ട് അവര് ബിജെപിയിലേക്ക് ഒഴുകിയെത്തുന്നു. കേരളഭരണം സരിതാനായരും ബിജു രമേഷുമൊക്കെയാണ് നടത്തുന്നതെന്നും അദ്ദേഹം പറഞ്ഞു.
അഞ്ചുവര്ഷം നിങ്ങള് അഞ്ചുവര്ഷം ഞങ്ങള് എന്ന ഇടതന്റെയും വലതന്റെയും ധാരണാ ഭരണത്തിനെതിരെയുള്ള ജനകീയരോക്ഷമായിരിക്കും വരാന്പോകുന്ന പഞ്ചായത്ത് നിയമസഭ തെരഞ്ഞെടുപ്പുകളെന്നും അദ്ദേഹം പറഞ്ഞു. പെരിനാട് യുഐഎം കോളേജിലെ പ്രിന്സിപ്പാള് അറസ്റ്റിലായ സംഭവത്തില് എം.എ.ബേബി പരാതി കിട്ടിയിട്ടും മിണ്ടാതിരുന്നത് ആരെ സംരക്ഷിക്കാനാണെന്നു വ്യക്തമാക്കണമെന്നും പ്രിന്സിപ്പാള് നിയമനത്തെകുറിച്ച് വിജിലന്സ് അന്വഷിക്കണമെന്നും ഇതു സംബന്ധിച്ച് ആഭ്യന്തര മന്ത്രാലയത്തിനു ബിജെപി പരാതി നല്കുമെന്നും അദ്ദേഹം പറഞ്ഞു.
പൊതുപരിപാടിക്ക് മുന്നോടിയായി ആയിരങ്ങള് പങ്കെടുത്ത പ്രകടനം നടന്നു. ബിജെപി ജില്ലാജനറല് സെക്രട്ടറി വെള്ളിമണ് ദീലീപ് സുവമോര്ച്ച ജില്ലാപ്രസിഡന്റ് അഡ്വ.ആര്.എസ്.പ്രശാന്ത്, ബിജെപി മണ്ഡലം പ്രസിഡന്റ് സജീവ്, മണ്ഡലം സെക്രട്ടറി മഠത്തില് സുനില്കുമാര്, യുവമോര്ച്ച മണ്ഡലം പ്രസിഡന്റ് വെള്ളിമണ് അനീഷ് എന്നിവര് സംസാരിച്ചു. പഞ്ചായത്ത് പ്രസിഡന്റ് ഇടവട്ടം വിനോദ് അദ്ധ്യക്ഷത വഹിച്ചു. ഉമേഷ് സ്വാഗതം പറഞ്ഞു. പഞ്ചായത്തു തെരഞ്ഞെടുപ്പില് ബിജെപിക്കു ഭരണ സാധ്യതയുളള പഞ്ചായത്താണ് പെരിനാട്.
