ന്യൂദല്ഹി: സത്യപ്രതിജ്ഞ നാളെ നടക്കാനിരിക്കെ, നിയുക്ത മുഖ്യമന്ത്രി അരവിന്ദ് കേജ്രിവാളിനു കടുത്ത പനി. ഒപ്പം പ്രമേഹ വും ജലദോഷവും മൂലം കേജ്രിവാള് ഏറെ ക്ഷീണിതനാണെന്ന് ഡോക്ടര്മാര് അറിയിച്ചു. എന്നാല്, അദ്ദേഹത്തിന് വിശ്രമം ആവശ്യമാണെന്നും ഡോക്ടര്മാര് അറിയിച്ചു.
ഇന്നലെ പ്രധാന മന്ത്രി നരേന്ദ്ര മോദിയെ സന്ദര്ശിച്ച വേളയിലും കേജ്രിവാളിനു പനിയുണ്ടായിരുന്നു. കൂടിക്കാഴ്ചയ്ക്ക് ശേഷം അദ്ദേഹം വീട്ടില് വിശ്രമത്തിലാണ്.
നാളെ രാവിലെയാണ് രണ്ടാം ആം ആദ്മി സര്ക്കാര് ദല്ഹിയില് ചുമതലയേല്ക്കുന്നത്. രാംലീല മൈതാനിയില് സത്യപ്രതിജ്ഞ ചടങ്ങിനുള്ള ഒരുക്കങ്ങള് പുരോഗമിക്കുകയാണ്. ആയിരക്കണക്കിന് എഎപി പ്രവര്ത്തകര് ചടങ്ങിനെത്തും. നിരവധി പ്രമുഖരും കേജരിവാള് സര്ക്കാരിന്റെ സത്യപ്രതിജ്ഞ ചടങ്ങിന് സാക്ഷികളാകും.
സത്യപ്രതിജ്ഞ ചടങ്ങിനായി പോലീസ് കനത്ത സുരക്ഷയും ഒരുക്കുന്നുണ്ട്. നിരവധി പോലീസുകാരെ ചടങ്ങ് നടക്കുന്ന രാംലീല മൈതാനിയില് സുരക്ഷയ്ക്കായി നിയോഗിച്ചു.
