കോട്ടയം: വൈക്കം ശ്രീകൃഷ്ണ ആയൂര്വേദ ചികിത്സാ കേന്ദ്രത്തിന്റെ ആഭിമുഖ്യത്തില് പത്താം വാര്ഷികത്തോടനുബന്ധിച്ച് 31ന് ‘ബീജാനുസന്ധാനം’ അന്തര്ദേശീയ സെമിനാര് സംഘടിപ്പിക്കുന്നു. തുറുവേലിക്കുന്നിലെ ആശുപത്രി വളപ്പില് അന്ന് രാവിലെ 8.30ന് എസ് എന് ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് സെമിനാര് ഉദ്ഘാടനം ചെയ്യും. കെ. അജിത്ത് എംഎല്എ അധ്യക്ഷനായിരിക്കും. കോയമ്പത്തൂര് ആര്യ വൈദ്യ ഫാര്മസിയിലെ പത്മശ്രീ ഡോ. പി.ആര് കൃഷ്ണകുമാര് മുഖ്യാതിഥിയായിരിക്കും. തുടര്ന്ന് ഗുരൂപൂജയില് ബ്രഹ്മശ്രീ വള്ളൂര് മനയ്ക്കല് ശങ്കരന് നമ്പൂതിരി, ഡോ. പിഎംഎസ് രവീന്ദ്രനാഥ്, വൈദ്യ പി. രാം മനോഹര്, കൃഷ്ണകുമാര് വര്മ, ഡോ.പിവി രമേഷ് എന്നിവരെ ആദരിക്കും.
മള്ളിയൂര് പരമേശ്വരന് നമ്പൂതിരി, വൈക്കം നഗരസഭാധ്യക്ഷ ശ്രീലതാ ബാലചന്ദ്രന്, ഡോ. ഡി രാമനാഥന്, സന്ധ്യാ മന്നത്ത്്, ഷൈന് കൂമാര്, ബിന്സ്് എന്നിവര് ആശംസകള് നേരും.
12 മണിക്ക് സെമിനാര് ആരംഭിക്കും. ബാല അനുസന്ധാനം ഗംഗാധരന് വൈദ്യര്, 1.30ന്് മര്മ അനുസന്ധാനം കളരിപ്പയറ്റ്, 2.ന്് ബൈജു ഗൂരുക്കള്, 2.30ന് കായ അനുസന്ധാനം ഡോ. രാമന് കൂട്ടി വാര്യര്, 3.30ന് അഗത അനുസന്ധാനം വിമല തമ്പുരാട്ടി 4.30ന് നേത്ര അനുസന്ധാനം ഡോ. ഗോകുലം എന്നിവര് കല്സുകള് നയിക്കും. വൈകുന്നേരം ആറിന് സാംസ്കാരിക സായാഹ്നം ചലച്ചിത്ര സംവിധായകന് അബ്രിഡ് ഷൈന് ഉദ്്ഘാടനം ചെയ്യും. ബാലചന്ദ്രന് നായര്, പാരീസ് ലക്ഷ്മി, എന്നിവര് പങ്കെടുക്കും. തുടര്ന്ന് മോഹിനിയാട്ടം, വൈക്കം വിജയലക്ഷ്മിയുടെ സംഗീതകച്ചേരി. ജനുവരി 27 നു മുമ്പായി രജിസ്റ്റര് ചെയ്യുന്ന ആയൂര്വേദ വിദ്യാര്ഥികള്ക്ക്് സെമിനാറിലേക്കുളള പ്രവേശനം സൗജന്യമാണെന്ന് അറിയിച്ചു. ഫോണ്: 04829 229534, 9745860020
