ചിലര് വിവാഹം കഴിക്കുന്നു, മറ്റു ചിലര് ബ്രഹ്മചര്യം തിരഞ്ഞെടുക്കുന്നു. ഏതാണ് ശരി, ഏതാണ് തെറ്റ്? അല്ലെങ്കില്, ഏതാണ് ഭേദം? അങ്ങനെയൊന്നുമില്ല. വ്യക്തിപരമായ ആവശ്യങ്ങള്ക്കനുസരണമായി എല്ലാവരും പ്രവര്ത്തിക്കുന്നു.
ചിലര്ക്ക് വിവാഹം കഴിക്കേണ്ട ആവശ്യമുള്ളതുകൊണ്ട് അവര് വിവാഹം കഴിക്കുന്നു. മറ്റുചിലര്ക്ക് അതിന്റെ ആവശ്യമില്ലാത്തതുകൊണ്ട് അവര് ബ്രഹ്മചര്യം സ്വീകരിക്കുന്നു. എല്ലാവര്ക്കും ഒരേനിയമം ബാധകമാവുന്നില്ല.
വിവാഹം ആവശ്യമുള്ള ആള്ക്ക് ബ്രഹ്മചര്യം നല്കിയാല് അയാള്ക്ക് ജീവിതം നരകതുല്യമാകും. വിവാഹം ആഗ്രഹിക്കാത്ത ആളെ ബലമായി അങ്ങനെ ചെയ്യിക്കുമ്പോള് മറ്റൊരുതരത്തിലുള്ള നരകത്തിലൂടെയാകും അയാള് കടന്നുപോകുക. അയാള്ക്കും, കൂടെ അകപ്പെട്ട മറ്റേ ആള്ക്കും അത് നരകമായിരിക്കും.
