പാലാ: 12 മുതല് 18 വരെ വെള്ളാപ്പാട് ക്ഷേത്രമൈതാനത്ത് നടക്കുന്ന 23-ാമത് മീനച്ചില് ഹിന്ദുമഹാസംഗമത്തിന്റെ ഭാഗമായി സംസ്കൃതി 2015 കലാ മത്സരങ്ങള് മൂന്ന്, നാല് തീയതികളില് പാലാ ശ്രീരാമകൃഷ്ണ ആദര്ശ സംസ്കൃത കോളേജില് നടക്കും.
ആയിരത്തോളം കുട്ടികള് രണ്ട് ദിവസങ്ങളിലായി അവരുടെ സര്ഗ്ഗവാസനകള് മാറ്റുരയ്ക്കുന്നു. ചിത്രരചന, ഉപന്യാസ മത്സരങ്ങള് മൂന്നിന് 2 മണിക്ക് ആരംഭിക്കും. കലാ മത്സരങ്ങള് നാലിന് രാവിലെ 9 മണിക്ക് ചലച്ചിത്രതാരം മിയ ഉദ്ഘാടനം ചെയ്യും.
