കൂത്തുപറമ്പ്: ചെറുവാഞ്ചേരി അയ്യപ്പഭജനമഠത്തില് അയ്യപ്പസേവാസംഘം പ്രവര്ത്തകര് നടത്തുന്ന അയ്യപ്പ ഭജനയ്ക്കുനേരെ പോലീസ് ഒത്താശയോടെ സിപിഎം പ്രവര്ത്തകന്റെ ആക്രമണം. പോലീസുകാര് നോക്കി നില്ക്കെയാണ് സിദ്ധിഖ് എന്ന സിപിഎം പ്രവര്ത്തകന് ഭജനമഠത്തില് അതിക്രമിച്ചു കടന്നത്.
അയ്യപ്പഭക്തന്മാരെ അസഭ്യം പറയുകയും അലങ്കാരങ്ങള് നശിപ്പിക്കുകയും ചെയ്ത യുവാവ് മൈക്ക് കണകഷന് വിച്ഛേദിക്കുകയും ചെയ്തു. ചെറുവാഞ്ചേരിയില് സിപിഎം പ്രവര്ത്തകര് നടത്തുന്ന സഹവാസ ക്യാമ്പിനിടെ നേതാക്കളുടെ ഹിന്ദുവിരുദ്ധ പ്രസംഗങ്ങളില് ആവേശം പൂണ്ടാണ് യുവാവ് അക്രമം അഴിച്ചുവിട്ടത്. ഒ.കെ.വാസു ഉള്പ്പെടെ സിപിഎം നേതാക്കളെല്ലാം തന്നെ ഹൈന്ദവ ദേവീ-ദേവന്മാര്ക്കെതിരെ നിന്ദ്യമായ പദപ്രയോഗങ്ങളാണ് പ്രസംഗത്തിലുടനീളം പ്രയോഗിച്ചത്. ഇതിനെതിരെ പ്രദേശത്തെ ഹൈന്ദവ വിശ്വാസികള്ക്കിടയില് പ്രതിഷേധം ശക്തമായിട്ടുണ്ട്.
ചെറുവാഞ്ചേരിയില് ഹിന്ദു -മുസ്ലീം സംഘര്ഷം ഉണ്ടാക്കി മുതലെടുപ്പ് നടത്താനുള്ള സിപിഎം നേതാക്കളുടെ ഗൂഢശ്രമമാണ് സംഭവത്തിനു പിന്നിലെന്ന് സംശയിക്കുന്നതായി അയ്യപ്പസേവാസംഘം ഭാരവാഹികള് പറഞ്ഞു. സഹവാസ കേമ്പിന്റെ പേരില് കണ്ണൂര് ജില്ലയിലെ പല ഭാഗങ്ങളില് നിന്നായി സിപിഎം ക്രിമിനലുകള് ചെറുവാഞ്ചേരിയില് സംഘടിച്ചിരിക്കുന്നത് പ്രദേശത്ത് ജനങ്ങളുടെ സൈ്വര്യജീവിതത്തിനു തടസ്സമായിരിക്കുകയാണ്. അയ്യപ്പവിശ്വാസികള്ക്കു നേരെയുണ്ടായ ആക്രമണത്തെ ഒരുതരത്തിലും ന്യായീകരിക്കാനാവില്ലെന്ന് ഹിന്ദുസംഘടനാ നേതാക്കള് പറഞ്ഞു. ബുധനാഴ്ച രാത്രിയോടെയായിരുന്നു സംഭവം.
