നോയിഡ: കനത്ത മുടല്മഞ്ഞില് യമുന ഹൈസ്പീഡ് എക്സ്പ്രസ്വേയില് 30 കാറുകള് കൂട്ടിയിടിച്ച് അഞ്ചു മരണം.നിരവധി പേര്ക്ക് പരിക്കേല്ക്കുകയും ചെയ്തു. ഇന്ന് രാവിലെയായിരുന്നു അപകടം.
കനത്ത മഞ്ഞുവീഴ്ച്ചയെ തുടര്ന്ന് 50100 മീറ്റര് ദൂരപരിധിയില് ഒന്നും കാണാന് കഴിയാത്ത സ്ഥിതിയായിരുന്നു ഇതാണ് മരണകാരണമെന്ന് പോലീസ് വ്യക്തമാക്കി.
നോയിഡയ്ക്ക് സമീപമാണ് സംഭവമുണ്ടായത്. രണ്ടു വിനോദ സഞ്ചാര ബസുകളും ഇതിലുള്പ്പെടുന്നുവെന്നാണ് റിപ്പോര്ട്ട്. ഇടിയുടെ ആഘാതത്തില് കാറുകള് പൂര്ണ്ണമായും തകര്ന്നു. അപകടത്തെ തുടര്ന്ന് ഗതാഗതം പൂര്ണ്ണമായും സതംഭിച്ചു.
മഞ്ഞ് കനത്തതോടെ വടക്കേ ഇന്ത്യയില് വിവിധ പ്രദേശങ്ങളില് റോഡ്, റെയില്, വ്യോമയാന ഗതാഗതം ഇടക്കിടെ സ്തംഭിക്കുന്ന സ്ഥിതിയാണ്. ശൈത്യത്തെത്തുടര്ന്ന് സ്കൂളുകള്ക്കും സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. ഏതാനും ദിവസങ്ങള് കൂടി ഇതേ അവസ്ഥ തുടരുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്.
