ചാരുംമൂട്: ബാങ്ക് ജീവനക്കാരനാണെന്ന് പറഞ്ഞ് എടിഎം നമ്പരും രഹസ്യ പിന് നമ്പരും വാങ്ങി ഹോട്ടല് ജീവനക്കാരന്റെ 1,400 രൂപ ക്രഡിറ്റ് കാര്ഡ് ഉപയോഗിച്ച് തട്ടിയെടുത്തു. പാലമേല് ആദിക്കാട്ടുകുളങ്ങര ശബരിയയ്യത്ത് ബഷീറിന്റെ അക്കൗണ്ടില് നിന്നും 1,400 രൂപയാണ് തട്ടിയെടുത്തത്. കഴിഞ്ഞദിവസം ഉച്ചയ്ക്ക് ബാങ്കില് നിന്നാണെന്നും എടിഎം കാര്ഡിന്റെ നമ്പരും പിന് നമ്പരും വേണമെന്നും കാര്ഡിന്റെ കാലാവധി കഴിഞ്ഞത് പുതുക്കാനാണെന്നും പറഞ്ഞ് ബഷീറിന് ഫോണ് വന്നത്. പകരം രണ്ട് നമ്പരുകള് നല്കിയിട്ട് ഇത് പുതിയ നമ്പരാണെന്ന് അറിയിച്ചു.
പിന്നീട് 500 രൂപ പിന്വലിക്കുന്നതിനായി എടിഎംല് എത്തിയപ്പോഴാണ് അക്കൗണ്ടില് നിന്നും 1,400 രൂപ പിന്വലിച്ചിരിക്കുന്നതായി അറിയുന്നത്. തുടര്ന്ന് ബാങ്കിലെത്തി പരാതി നല്കിയപ്പോഴാണ് തട്ടിപ്പിന് ഇരയായതായി മനസ്സിലായത്. ബഷീറിനെ വിളിച്ച ഫോണ് നമ്പരിലേക്ക് ബാങ്ക് മാനേജര് തിരികെ വിളിച്ചപ്പോള് റിസര്വ് ബാങ്കിലെ ഡെബിറ്റ് കാര്ഡ് വിഭാഗത്തിലെ ജീവനക്കാരനാണെന്ന് പറഞ്ഞ് ഫോണ് കട്ട് ചെയ്തു.
