പുറക്കാട് ശ്രീനാരായണ മെമ്മോറിയല് ഹയര്സെക്കന്ഡറി സ്കൂള് വിദ്യാര്ത്ഥികളും അദ്ധ്യാപകരും ട്രോഫി ഏറ്റുവാങ്ങുന്നു
ഹരിപ്പാട്: അമ്പലപ്പഴ ഉപജില്ലാ കലോത്സവത്തില് പുറക്കാട് ശ്രീനാരായണ മെമ്മോറിയല് ഹയര് സെക്കന്ഡറി സ്കൂള് ജേതാക്കളായി. എല്പി ജനറല് വിഭാഗത്തില് കാക്കാഴം എസ്എന്വി ടിടിഐ, പുറക്കാട് എല്എഫ് എല്പി സ്കൂള് എന്നിവ ഒന്നാംസ്ഥാനം പങ്കുവച്ചു. പൊത്തപ്പള്ളി കെകെകെവിഎം എല്പി സ്കൂള്, പുറക്കാട് എഎസ്എം എല്പി സ്കൂള് എന്നിവ യഥാക്രമം രണ്ടും മൂന്നും സ്ഥാനങ്ങള് നേടി.
യുപി വിഭാഗത്തില് നീര്ക്കുന്നം എസ്ഡിവി യൂപി സ്കൂള്, നാലുചിറ ജിഎച്ച്എസ്, പുറക്കാട് എസ്ഡിവി യുപി സ്കൂള് എന്നിവര് യഥാക്രമം ഒന്ന്, രണ്ട്, മൂന്ന് സ്ഥാനങ്ങള് നേടി. ഹൈസ്കൂള് വിഭാഗത്തില് പുറക്കാട് എസ്എന്എം ഹൈസ്കൂള് ഒന്നാം സ്ഥാനവും അമ്പലപ്പുഴ ഗവ മോഡല് ഹൈസ്കൂള് രണ്ടാം സ്ഥാനവും, പല്ലന എംകെഎം ഹൈസ്കൂള് മൂന്നാം സ്ഥാനവും നേടി.
ഹയര്സെക്കന്ഡറി വിഭാഗത്തില് പുറക്കാട് എസ്എന്എം ഹൈസ്കൂളിനാണ് ഒന്നാം സ്ഥാനം. മംഗലം ഗവ. ഹയര് സെക്കന്ഡറി സ്കൂള് രണ്ടാം സ്ഥാനവും കരുവാറ്റ എന്എസ്എസ് ഹയര് സെക്കന്ഡറി സ്കൂള് മൂന്നാം സ്ഥാനവും നേടി. സമാപന സമ്മേളനം മുതുകുളം ബ്ലോക്ക് പഞ്ചായത്ത് പ്രസിഡന്റ് ബബിതാ ജയന് ഉദ്ഘാടനം ചെയ്തു. ആറാട്ടുപുഴ ഗ്രാമ പഞ്ചായത്ത് വികസന സ്ഥിരം സമിതി അദ്ധ്യക്ഷന് പി.എസ് അബ്ദുള് സലാം അദ്ധ്യക്ഷത വഹിച്ചു.
