ശ്രീനിവാസന് കേന്ദ്രകഥാപാത്രത്തെ അവതരിപ്പിക്കുന്ന നഗരവാരിധി നടുവില് ഞാന് ക്രിസ്തുമസിന് പ്രദര്ശനത്തിനെത്തും. നവാഗതനായ ഷിബു ബാലനാണ് ചിത്രം സംവിധാനം ചെയ്യുന്നത്.
ശ്രീനിവാസന്റെ ചിന്താവിഷ്ടയായ ശ്യാമളയില് മിന്നുന്ന പ്രകടനം കാഴ്ചവച്ച സംഗീത നീണ്ട ഇടവേളയ്ക്കുശേഷം നായികയായെത്തുന്ന ചിത്രം കൂടിയാണ് നഗരവാരിധി നടുവില് ഞാന്.
ഇ ഫോര് എന്റര്ടെയിന്മെന്റിന്റെ ബാനറില് മുകേഷ് ആര്. മെഹ്ത്തയാണ് ചിത്രം നിര്മിക്കുന്നത്. ഇന്നസെന്റ്, മനോജ്.കെ.ജയന്, ലാല്, വിജയരാഘവന്, ഭീമന് രഘു, ശ്രീജിത്ത് രവി, ഷൊഹൈബ് ഖാന്, സുരേഷ് നായര്, പാര്വതി രഞ്ജിത് തുടങ്ങിയവരാണ് മറ്റ് താരങ്ങള്. ഏങ്ങണ്ടിയൂര് ചന്ദ്രശേഖരന് എഴുതിയ വരികള്ക്ക് ഈണം പകര്ന്നിരിക്കുന്നത് ഗോവിന്ദ് മേനോന്.
