കരുനാഗപ്പള്ളി: കാറും ജീപ്പും കൂട്ടിയിടിച്ച് രണ്ടുപേര്ക്ക് പരിക്ക്. ഓച്ചിറ കൊറ്റംമ്പള്ളില് ആലക്കോട്ട് വീട്ടില് അരവിന്ദ്കുമാര് (70), ഭാര്യ രാജമ്മ (66) എന്നിവരെ ഗുരുതരപരിക്കുകളോടെ കരുനാഗപ്പള്ളിയില് സ്വകാര്യആശുപത്രിയില് പ്രവേശിപ്പിച്ചു. മകളെ തിരുവനന്തപുരം വിമാനത്താവളത്തില് ഗള്ഫിലേക്ക് അയച്ച് മടങ്ങി കാറില് വരുന്ന വഴി ദേശീയപാതയില് പുള്ളിമാന് ജംഗ്ഷന് വടക്കുവശം പള്ളിമുക്കിലാണ് അപകടം.
തിരുവനന്തപുരത്തുനിന്നും ഓച്ചിറയിലേക്ക് വന്ന കാറില് എറണാകുളത്തുനിന്നും മിഠായി കയറ്റി അമിതവേഗതയില് തിരുവനന്തപുരത്തേക്ക് വന്ന ജീപ്പ് കാറില് ഇടിക്കുകയായിരുന്നു. ഇടിയുടെ ആഘാതത്തില് നിയന്ത്രണംവിട്ട ജീപ്പ് തലകീഴായി മറിയുകയും ഡീസല് ടാങ്ക് പൊട്ടിതകരുകയും ചെയ്തു. ഡീസല് റോഡിലേക്ക് ഒഴുകിയതോടെ ഗതാഗതം തടസപ്പെട്ടു. ഒരു മണിക്കൂര് കഴിഞ്ഞാണ് ഗതാഗതം പുനസ്ഥാപിച്ചത്.
അപകടം രാവിലെ ആറിനാണ് ഉണ്ടായത്. ഫയര്ഫോഴ്സ് എത്തി റോഡ് കഴുകിയശേഷമാണ് ഗതാഗതം പുനസ്ഥാപിച്ചത്.
