എല്സമ്മയും മകള് ജയ്ജിയും
ചേര്ത്തല: അമ്മയെയും അമ്മൂമ്മയേയും പടക്കം അപകടത്തില് നിന്ന് രക്ഷിച്ചത് പേരക്കുട്ടിയുടെ സ്കൂളിലെ മീറ്റിങ്. ഇന്നലെ ചേര്ത്തല കിഴക്കേ നാല്പ്പതിന് സമീപം നടന്ന പടക്കം പൊട്ടിയുള്ള അപകടത്തില് നിന്ന് നഗരസഭ 24-ാം വാര്ഡ് സൂര്യപ്പള്ളി എല്സമ്മ മകള് ജയ്ജി എന്നിവര് രക്ഷപെട്ടത് പേരക്കുട്ടി അനില ലൈക്കിന്റെ ചേര്ത്തല ഹോളിഫാമിലി എല്പി സ്കൂളില് എസ്എസ്എയുടെ നേതൃത്വത്തില് രക്ഷാകര്ത്താക്കള്ക്കയായി നടന്ന ക്ലാസില് പങ്കെടുക്കുവാന് പോയതിനാലാണ്. അപകടത്തില് മരിച്ച തോമസിന്റെ ഭാര്യയും മകളുമാണ് എല്സമ്മയും ജയ്ജിയും. സാധാരണദിവസങ്ങളില് ഉച്ചകഴിഞ്ഞ് ജയ്ജി എല്സമ്മയുടെ സൂര്യപ്പള്ളിയിലെ വീട്ടിലുണ്ടാകാറുണ്ട്. ബുഘനാഴ്ച ഉച്ചയ്ക്ക് ഇവര് സ്കൂളിലേക്ക് പോയതിനാല് അപകടത്തില് നിന്ന് തലനാരിഴയ്ക്ക് രക്ഷപ്പെടുകയായിരുന്നു. സ്കൂളിന് സമീപമുള്ള സ്വര്ണാഭരണശാലയില് ഇരിക്കുമ്പോഴാണ് അപകടവിവരം അറിയുന്നത്. ഉടന് തന്നെ വീട്ടിലേക്ക് മടങ്ങി. അപകടത്തില് ഇവരും പെട്ടിട്ടുണ്ടാവും എന്ന ധാരണയില് അവശിഷ്ടങ്ങള്ക്കിടയില് ഇവര്ക്കുവേണ്ടിയുള്ള തിരച്ചില് നടത്തുകയായിരുന്നു നാട്ടുകാര്. ഇതിനിടെ അയല്വാസിയുടെ വീട്ടില് ഇവര് എത്തിയെന്ന വിവരം അറിഞ്ഞതോടെയാണ് നാട്ടുകാര്ക്ക് ആശ്വാസമായത്.
