ന്യൂദല്ഹി: ആറാമത് ലോക ആയുര്വേദ കോണ്ഗ്രസ് ന്യൂദല്ഹിയില് തുടക്കമായി. പ്രഗതിമൈതാനിയില് രാവിലെ 10 മണിക്ക് കേന്ദ്രആരോഗ്യ കുടുംബക്ഷേമ മന്ത്രി ഡോ. ഹര്ഷവര്ധന് ഉദ്ഘാടനം ചെയ്തു. വിവിധ ലോകരാജ്യങ്ങളില് നിന്നുള്ള പ്രതിനിധികള് ഉള്പ്പെടെ അയ്യായിരത്തിലധികം പേര് നാലു ദിവസം നീണ്ടുനില്ക്കുന്ന പരിപാടിയില് പങ്കെടുക്കുന്നുണ്ട്.
വ്യവസായ പ്രമുഖരും ആരോഗ്യ മന്ത്രിമാരും ആയുര്വേദ ഡോക്ടര്മാരും പാരമ്പര്യചികില്സകരും പഠിതാക്കളും ശാസ്ത്രജ്ഞരും മരുന്നു നിര്മാതാക്കളും ഔഷധസസ്യകര്ഷകരും വിപണന വിദഗ്ദ്ധരും പങ്കെടുക്കുന്ന പരിപാടിയില് ആയുര്വേദവും ആരോഗ്യവെല്ലുവിളികളും എന്ന വിഷയം ചര്ച്ച ചെയ്യും. ആയുഷ് വകുപ്പ്, ആരോഗ്യ കുടുംബക്ഷേമ മന്ത്രാലയം, ലോക ആയുര്വേദ ഫൗണ്ടേഷന്, ദല്ഹി സര്ക്കാര് എന്നിവര് ചേര്ന്നാണ് പരിപാടി സംഘടിപ്പിക്കുന്നത്.
ആദ്യദിവസമായ ഇന്ന് ആരോഗ്യപ്രശ്നങ്ങളും അവയ്ക്കുള്ള വിവിധതരം ചികിത്സകളും എന്ന പൊതു പരിപാടി കേന്ദ്ര ആരോഗ്യ മന്ത്രി ശ്രീ ഹര്ഷ് വര്ദ്ധന് ഉദ്ഘാടനം ചെയ്യും. കോയമ്പത്തൂര് ആര്യ വൈദ്യ ഫാര്മസി എം.ഡി.ശ്രീ.പി.ആര്.കൃഷ്ണ കുമാര് തുടങ്ങിയ പ്രമുഖരും ചടങ്ങില് സംസാരിക്കുന്നതായിരിക്കും. ആയുര്വ്വേദം , യോഗ, പ്രകൃതി ചികിത്സ, യുനാനി, സിദ്ധ ,ഹോമിയോപതി തുടങ്ങിയ ചികിത്സകളുടെ പ്രസക്തിയും പ്രാധാന്യവും എന്ന വിഷയത്തില് അതാതു രംഗത്തെ പ്രമുഖര് പൊതു ജനങ്ങള്ക്ക് വിവരണം നല്കും.
ആയുര്വേദ രംഗത്തെ ചെലവ് കുറഞ്ഞ ചികിത്സാ സംരംഭത്തെ മുഖ്യധാരാ പൊതുജനാരോഗ്യ സംവിധാനവുമായി ബന്ധപെടുത്തി സമ്പൂര്ണ്ണ ആരോഗ്യ പരിരക്ഷയായി എല്ലാവര്ക്കും ആരോഗ്യം എന്ന ആഗോള പ്രചാരണത്തെ ശക്തിപെടുത്തുക്ക എന്നതാണ് പരമ പ്രമപ്രദാനമായ ലക്ഷ്യം. ആയുഷ് വിഭാഗത്തിലെ സ്റ്റാളുകളില് ഡോക്ടര്മാര് രോഗികള്ക്കായി സൗജന്യ ചികിത്സയും സൗജന്യ ഔഷധ വിതരണവും നടത്തുന്നതായിക്കും. തത്സമയ സൗജന്യ യോഗ സെഷനുകളും ഉണ്ടായിരിക്കുന്നതാണ്.
ഇന്ത്യയിലെ പാരമ്പര്യ വൈദ്യന്മാരുടെ മഹാ സംഗമം നവംബര് ഒന്പതിന് കേന്ദ്ര പട്ടികക്ഷേമ വകുപ്പ് മന്ത്രി ശ്രീ. ജുവല് ഓറം ഉദ്ഘാടനം ചെയ്യും. തുടര്ന്ന് ആയുര്വേദത്തിലെ ആഗോള മുന്നേറ്റങ്ങളും സാധ്യതകളും എന്ന വിഷയത്തിന്മേലുള്ള പ്രഥമ സെഷനില് കേന്ദ്ര വാണിജ്യ വ്യവസായ മന്ത്രി ശ്രീമതി നിര്മല സീതാരാമന് അധ്യക്ഷത വഹിക്കും. ഇന്ത്യയിലെ ഏഴ് ആയുര്വേദ സര്വകലാശാലകളും, 270 ആയുര്വേദ കോളേജുകളും അയൂര്വേദ കോണ്ഗ്രസില് പങ്കെടുക്കുന്നുണ്ട്.
9ന് രാവിലെ 10മണിക്ക് നടക്കുന്ന സമാപന സമ്മേളനം പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും.
