കൊച്ചി: ബിജെപി ചേരാനെല്ലൂര് പഞ്ചായത്ത് കമ്മറ്റിയുടെ ആഭിമുഖ്യത്തില് മന്ത്രി കെ.എം. മാണി രാജിവയ്ക്കണമെന്നാവശ്യപ്പെട്ട് പ്രകടനം നടത്തി. പഞ്ചായത്ത് സമിതി പ്രസിഡന്റ് സി.ആര്. സുഭാഷ് കുമാര്, ജനറല് സെക്രട്ടറി എം.കെ. ദിലീപ് കുമാര്, ജോയി ജോര്ജ്, വി.ജി. വേണുഗോപാല്, കെ.എ. തങ്കപ്പന്, പ്രമോദ്, വി.വി. ലക്ഷ്മണന്, ഷാള്ട്ടന്, കെ.ബി. മുരളി എന്നിവര് നേതൃത്വം നല്കി.
ഇതെ ആവശ്യവുമായി കടവന്ത്രയില് ബിജെപി ഏരിയാ കമ്മറ്റിയുടെ നേതൃത്വത്തില് പന്തംകൊളുത്തി പ്രകടനം നടന്നു. തുടര്ന്ന് നടന്ന പൊതുയോഗം മണ്ഡലം പ്രസിഡന്റ് ബാബുരാജ് തച്ചേത്ത് ഉദ്ഘാടനം ചെയ്തു. കര്ഷകമോര്ച്ച ജില്ലാ സെക്രട്ടറി സി. സതീശന്, മീഡിയസെല് കണ്വീനര് രാജന് അടിയോടി, രാമകൃഷ്ണന് കിഴിപ്പിള്ളി, പി.ആര്. ഓമനക്കുട്ടന്, എന്.എഫ്. മാത്യൂസ് എന്നിവര് സംസാരിച്ചു. തോമസ് ഗിരിനഗര്, ഷനല്കുമാര്, ബിജു.വി.ഡി, ജോണ്സണ് എന്നിവര് നേതൃത്വം നല്കി.
മരടില് ബിജെപിയുടെ നേതൃത്വത്തില് പന്തംകൊളുത്തി പ്രകടനം നടന്നു. കുണ്ടന്നൂര് ജംഗ്ഷനില് നിന്നും ആരംഭിച്ച പ്രകടനം ബിജെപി ജില്ലാ സെക്രട്ടറി സഹജാ ഹരിദാസ് ഉദ്ഘാടനം ചെയ്തു. മരട് ഏരിയാ കമ്മറ്റി പ്രസിഡന്റ് എം.നന്ദനന് സ്വാഗതം പറഞ്ഞു. ന്യൂനപക്ഷമോര്ച്ച ജില്ലാ നേതാവ് സേവ്യര്, ഏരിയാ കമ്മറ്റി അംഗങ്ങള്, നെട്ടൂര് ഏരിയാ കമ്മറ്റി ജനറല് സെക്രട്ടറി എം.നജീബ് തുടങ്ങിയവര് നേതൃത്വം നല്കി. പ്രകടനം കാളാത്ര സ്കൂളിനു സമീപം സമാപിച്ചു.
