അമ്പലപ്പുഴ: വ്യാപാര സ്ഥാപനങ്ങളില് നിന്നും പണം തട്ടാന് മോഷ്ടാക്കള്ക്ക് പുതിയ തന്ത്രങ്ങള്. കടകള്ക്ക് മുന്നിലെ ബോര്ഡുകളില് എഴുതിയിരിക്കുന്ന ഫോണ് നമ്പറുകള് ശേഖരിച്ച ശേഷം അടുത്ത ബന്ധുക്കള് ഗുരുതര രോഗത്തിന് അടിമകളാണെന്നും ഇവരെ ചികിത്സിക്കാന് ലക്ഷങ്ങള് ചെലവാകുമെന്നും ഇതിന് സാമ്പത്തികമായി സഹായിക്കണമെന്നമാണ് കടയുടമകളോട് ആവശ്യപ്പെടുന്നത്. ഇതിനുശേഷം ആളെ വിടുവാന് കടയുടമ ആവശ്യപ്പെട്ട് നിമിഷങ്ങള്ക്കുള്ളില് മറ്റു സംഘങ്ങള് കടയിലെത്തി പണം കൈപ്പറ്റുന്ന രീതിയാണ് അമ്പലപ്പുഴയില് പരീക്ഷിക്കുന്നത്. വ്യാഴാഴ്ച രാവിലെ കച്ചേരിമുക്കിലെ ഒരു പ്രമുഖ സ്വര്ണക്കടയില് നിന്നും തോട്ടപ്പള്ളി ഭാഗത്തെ മറ്റൊരു കച്ചവട സ്ഥാപനത്തില് നിന്നുമായി അയ്യായിരം രൂപയോളം സംഘം തട്ടിയെടുത്തു. ഇതുകൂടാതെ 500 മുതല് മുകളിലേക്ക് നിരവധി കടകളില് നിന്നും ഇന്നലെ പണം തട്ടിയെടുത്തു. ഏതാനും മാസം മുമ്പ് ഇത്തരം മോഷണ സംഘത്തെ ചില കടയുടമകള് കൈയോടെ പിടിച്ചെങ്കിലും പോലീസില് പരാതി നല്കുവാന് ഇവര് തയാറായിരുന്നില്ല.
ചികിത്സാ സഹായത്തിന്റെ പേരില് അമ്പലപ്പുഴയില് തട്ടിപ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.