തിരുവനന്തപുരം: സെക്രട്ടേറിയറ്റിന് മുന്നില് എല്പിഎസ്ടി റാങ്ക് ഹോള്ഡേഴ്സ് നടത്തുന്ന പ്രതിഷേധസമരം ഇന്നലെ 27 ദിവസം പിന്നിട്ടു. ഇതിനിടെ നിരാഹാരമിരിക്കുന്ന വളര്മതിയുടെ ആരോഗ്യനില വഷളായി തുടങ്ങി. സംസാരിക്കാനാവാത്ത വിധം അവര് അവശയാണ്.
സമരം ശക്തമാക്കുന്നതിന്റെ ഭാഗമായി ആരംഭിച്ച നിരാഹാര സമരവും മൂന്നുദിവസം പി
ന്നിട്ടു. സര്ക്കാര് ഇനിയും സമരക്കാരുമായി ചര്ച്ച നടത്തി പ്രശ്നങ്ങള്ക്ക് പരിഹാരം കാണാന് തയാറാകുന്നില്ല. നിരാഹാരം കിടക്കുന്ന സമര സമിതി സെക്രട്ടറിയുടെ ആരോഗ്യനില വഷളായി തുടങ്ങി. ബിപി ലെവല് ഉയരുകയും സംസാരിക്കാനാവാത്ത വിധം അവര് അവശനിലയിലുമാണ്. അദ്ധ്യാപക വിദ്യാര്ത്ഥി അനുപാതം പുനഃക്രമീകരിക്കണമെന്നും റാങ്ക് ലിസ്റ്റില് നിന്നുള്ള നിയമനം വൈകുന്നതിലും പ്രതിഷേധിച്ച് സെക്രട്ടേറിയറ്റിന് മുന്നില് നടത്തിവന്ന പ്രതിഷേധ സമരം ഇന്ന് 28-ാം ദിവസം. സമരം ശക്തമാക്കുന്നതിന്റെ ഭാഗമായി ആരംഭിച്ച നിരാഹാര സമരം മുന്ന് ദിവസവും പിന്നിട്ടിട്ടും സമരക്കാരുമായി ചര്ച്ച നടത്താനോ പ്രശ്നം പരിഹരിക്കാനോ സര്ക്കാര് ശ്രമിക്കുന്നില്ല.
രണ്ടുകുട്ടികളുടെ അമ്മയായ വളര്മതി തുടക്കം മുതല് സമരമുഖത്താണ്. പ്ലസ്ടു കഴിഞ്ഞതും എട്ടാം ക്ലാസിലുള്ളതുമായ തന്റെ കുട്ടികളുടെ കാര്യങ്ങള് നോക്കാന് കഴിയാതെയാണ് കഴിഞ്ഞ 27 ദിവസമായി വളര്മതി സമരവേദിയില് സജീവമാകുന്നത്. ഇന്നലെ കനത്ത മഴയുടെ ഭീഷണിയിലും സംസ്ഥാനത്തിന്റെ വിവിധ ഭാഗങ്ങളില് നിന്ന് നിരവധി ഉദ്യോഗാര്ത്ഥികളാണ് സമരമുഖത്ത് വന്നത്.
സമരവേദിയില് നിന്നും ദിവസവും ഉയരുന്ന രഘുപതി രാഘവരാജാറാം എന്ന ഭജനകേട്ടെങ്കിലും മഹാത്മാഗാന്ധിയുടെ പിന്മുറക്കാരെന്നു പറയുന്നവര് നേതൃത്വം കൊടുക്കുന്ന സര്ക്കാരിന്റെ കണ്ണുതുറക്കുമോയെന്നാണ് ഇനി അറിയേണ്ടത്.
എല്പിഎസ്ടി റാങ്ക് ഹോള്ഡേഴ്സ് സമരപ്പന്തല് ബിജെപി സംസ്ഥാന ജനറല് സെക്രട്ടറി അഡ്വ. എസ്. സുരേഷ് സന്ദര്ശിച്ചു.
മൂന്നുദിവസമായി നിരാഹാരവുമായി പ്രതീക്ഷയോടുകൂടി സമരം ചെയ്യുന്നവരോട് സര്ക്കാര് അനുഭാവപൂര്വ്വം ഇടപെടണം. ഈ സമരങ്ങളെ കണ്ടില്ലെന്ന് നടിക്കരുതെന്നും അദ്ദേഹം പറഞ്ഞു. മഴയുടെ ദുരിതം ഏറ്റുവാങ്ങുന്ന സമയത്തുപോലും സംസ്ഥാനത്തിന്റെ വിവിധഭാഗങ്ങളില് നിന്ന് ഉദ്യോഗാര്ത്ഥികള് ഈ സമരത്തില് പങ്കെടുക്കുകയാണ്. കഴിഞ്ഞ സര്ക്കാരിന്റെ കാലത്ത് മുട്ടിലിഴയുകയും മണ്ണുവാരിതിന്നുകയും ചെയ്തവരാണിവര്. ഇവരുടെയൊക്കെ പ്രതികരണത്തിന്റെ ഫലമാണ് വി.ഡി. സതീശന് സര്ക്കാര്. അധികാരത്തിലേറി 75 ദിവസം പിന്നിട്ടിട്ടും തെരഞ്ഞെടുപ്പ് കാലത്ത് ഇവര്ക്കു നല്കിയ വാക്ക് പാലിക്കാന് സതീശന് തയാറാകുന്നില്ല.
എല്പിഎസ്ടിക്കാരുടെ നീറുന്ന പ്രശ്നങ്ങള് അവതരിപ്പിക്കാന് മുന്നില് നിന്ന അദ്ധ്യാപികയാണ് മൂന്നുദിവസമായി നിരാഹാരവുമായി സെക്രട്ടേറിയറ്റ് പടിക്കല് സമരമിരിക്കുന്നത്. അവരുടെ ആരോഗ്യസ്ഥിതി ഗുരുതരമാകുന്നു. സംസാരിക്കാന് പോലും സാധിക്കാത്ത വിധം നില വഷളാവുകയാണ്. പ്രതീക്ഷയോടുകൂടി സമരം ചെയ്യുന്ന ഇവരോട് സര്ക്കാര് അനുഭാവപൂര്വ്വം ഇടപെടണമെന്നും സുരേഷ് പറഞ്ഞു.
കഴിഞ്ഞദിവസം സമരക്കാരെ കണ്ട ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര് എംഎല്എ മുഖ്യമന്ത്രിക്ക് ഔദ്യോഗികമായിട്ട് കത്തുനല്കുമെന്നും നിയമസഭയില് ഈ വിഷയം ഉന്നയിക്കുമെന്നും ഉറപ്പുനല്കിയിട്ടുണ്ടെന്നും എഡ്വ. എസ്. സുരേഷ് പറഞ്ഞു. സെക്രട്ടേറിയറ്റിന് മുന്നില് സമരം ചെയ്യുന്ന എല്പിഎസ്ടി, യുപിഎസ്ടി, കലാകായിക പ്രവൃത്തിപരിചയ റാങ്ക് ഹോള്ഡേഴ്സ്, പ്രീപ്രൈമറി റാങ്ക് ലിസ്റ്റ് ഉദ്യോഗാര്ത്ഥികള് എന്നിവരുടെ സമരവേദികളും അദ്ദേഹം സന്ദര്ശിച്ചു.
