കോട്ടയം: അധസ്ഥിതവര്‍ഗത്തിന്റെ കരുത്തറിയിച്ച് ജില്ലയിലുടനീളം മഹാത്മ അയ്യങ്കാളി ജന്മദിനാഘോഷവും, അവിട്ടം ദിനാഘോഷവും സംയുക്തമായി നടന്നു. കോട്ടയത്ത് നടന്ന സാംസ്‌കാരിക റാലിയില്‍ നൂറുകണക്കിന് ജനങ്ങള്‍ പങ്കാളികളായി. തിരുനക്കരമൈതാനിയില്‍ പൊതുസമ്മേളനവും സംഘടിപ്പിക്കപ്പെട്ടു. കെപിഎംഎസ്, എകെസിഎച്ച്എംഎസ് സംഘടനകളുടെ സംയുക്താഭിമുഖ്യത്തിലാണ് ആഘോഷപരിപാടികള്‍ സംഘടിപ്പിച്ചത്. ഇരുസംഘടനകളുടെയും ഭാരവാഹികള്‍ റാലിക്ക് നേതൃത്വം നല്കി.
അയ്യങ്കാളി ജന്മദിനാഘോഷം മുണ്ടക്കയത്ത് കെപിഎംഎസ്, എകെസിഎച്ച്എംഎസ് യൂണിയന്‍ കമ്മറ്റികളുടെ ആഭിമുഖ്യത്തില്‍ നടത്തി. കല്ലേപ്പാലം ജങ്ഷനില്‍ നിന്നാരംഭിച്ച റാലി ടൗണ്‍ മൈതാനിയില്‍ സമാപിച്ചു. തുടര്‍ന്ന് നടന്ന പൊതു സമ്മേളനം ആന്റോ ആന്റണി എംപി ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ ശശി പച്ചിലമറ്റം അധ്യക്ഷത വഹിച്ച സമ്മളനത്തില്‍ ബിജെപിസംസ്ഥാന സെക്രട്ടറി അഡ്വ. നാരായണന്‍ നമ്പൂതിരി, സിപിഎം ജില്ലാ സെക്രട്ടറി കെ.ജെ. തോമസ്സ് എന്നിവര്‍ മുഖ്യാതിഥികളായിരുന്നു. കെപിഎംഎസ് സംസ്ഥാന സെക്രട്ടറിയേറ്റംഗം എസ്. രാജപ്പന്‍ മുഖ്യപ്രഭാഷണം നടത്തി. എകെസിഎച്ച്എംഎസ് ദേവസ്വം സെക്രട്ടറി ഡി.എം. ബാലകൃഷണന്‍ ജന്‍മദിനസന്ദേശവും നല്കി. ത്രിതല പഞ്ചായത്തംഗങ്ങളായ ബി. ജയചന്ദ്രന്‍, അഡ്വ. പി.എ. സലിം, അനിത ഷാജി, സിനിമോള്‍ തടത്തില്‍, സംഘടന നേതാക്കളായ സുനില്‍ ടി. രാജ്, കുഞ്ഞുമോന്‍, ജി. വെണ്‍മാന്തറ, പ്രകാശ് പളളിക്കൂടം, സി.കെ.ലാലു, പി.ഡി. ദിലീപന്‍, അനില്‍കുമാര്‍ മുട്ടപ്പളളി, മണിരാജു, തങ്കമ്മ തങ്കപ്പന്‍, സിജു കൈതമറ്റം, വി.വി.സോമന്‍ എന്നിവര്‍ സംസാരിച്ചു.
അയ്യങ്കാളി ജന്മദിനാഘോഷം എകെസിഎച്ച്എംഎസ് 504 കോളനിശാഖയുടെ നേതൃത്വത്തില്‍ നടന്നു. സംസ്ഥാന പ്രസിഡന്റ് എം.കെ. വിജയചന്ദ്രന്‍ ഉദ്ഘാടനം ചെയ്തു. പാതാമ്പുഴ ഗോപി മുഖ്യപ്രഭാഷണം നടത്തി. പി.ടി. രാഘവന്റെ അധ്യക്ഷതയില്‍ പി.ജെ. സാബു എന്നിവര്‍ സംസാരിച്ചു.
അയ്യങ്കാളി ജന്മദിനാഘോഷം സാധുജനപരിപാലന സംഘം കൊക്കയാര്‍ ശാഖയുടെ നേതൃത്വത്തില്‍ നാരകംപുഴയില്‍ നടന്നു. ശാഖ പ്രസിഡന്റ് എ.പി. രാജന്റെ അധ്യക്ഷതയില്‍ വര്‍ക്കിങ് പ്രസിഡന്റ് കെ.ആര്‍ ഉണ്ണികൃഷണന്‍ ഉദ്ഘാടനം ചെയ്തു. സി.ഡി. സുകുമാരന്‍, എന്‍.കെ. കരുണാകരന്‍, വി.ജെ. സുരേഷ് കുമാര്‍, ഓലിക്കല്‍ സുരേഷ്, പി.സി. രാജന്‍, ആരുവേലി വര്‍ക്കി, പി.കെ. തങ്കച്ചന്‍, പി.കെ. ബാബു എന്നിവര്‍ സംസാരിച്ചു.
മഹാത്മ അയ്യന്‍കാളിയുടെ ജന്മദിനാഘോഷവും അവകാശ പ്രഖ്യാപന കണ്‍വന്‍ഷനും എരുമേലിയില്‍ നടത്തി. പിന്നാക്ക ജനവിഭാഗങ്ങളുടെ വികസനം ഇന്നും കടലാസില്‍ മാത്രം ഒതുങ്ങി നില്‍ക്കുകയാണെന്നും അവകാശങ്ങള്‍ക്കായി രംഗത്തിറങ്ങേണ്ട കാലം അതിക്രമിച്ചു കഴിഞ്ഞിരിക്കുകയാണെന്നും എഴുത്തുകാരന്‍ ജേക്കബ് ജോര്‍ജ് പറഞ്ഞു. എരുമേലിയില്‍ നടന്ന പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം. പൊതു ഊരുകൂട്ടം ചെയര്‍മാന്‍ എം.എസ്. സതീഷ് അദ്ധ്യക്ഷത വഹിച്ചു. അഡ്വ. പി.ഒ. ജോണ്‍, സി.കെ. രാഘവന്‍ മാസ്റ്റര്‍, ഷൗക്കത്ത് കല്ലായി, എപി. ഭായി, പി.എസ്. രാജുമോഹന്‍ തമ്പൂരാന്‍ എന്നിവര്‍ സംസാരിച്ചു.
