അഹമ്മദാബാദ്: ജന്മഭൂമി ന്യൂസ് എഡിറ്റര് മുരളി പാറപ്പുറം രചിച്ച ‘നരേന്ദ്രമോദി- നവഭാരതത്തിന്റെ നായകന്’ എന്ന പുസ്തകത്തിന്റെ ഗുജറാത്തിലെ പ്രകാശനം ഗുജറാത്ത് മുഖ്യമന്ത്രി ആനന്ദിബെന് പട്ടേല് നിര്വഹിക്കും. ഞായറാഴ്ച ഐഎസ്ആര്ഒ കോളനിയിലെ വിക്രം നഗര് കമ്മ്യൂണിറ്റി ഹാളില് നടക്കുന്ന ചടങ്ങില് അഹമ്മദാബാദ് മേയര് മീനാക്ഷി ബെന് പട്ടേല് മുഖ്യാതിഥിയായിരിക്കും. സംസ്ഥാന സംഗിത നാടക അക്കാദമി ചെയര്മാന് യോഗേഷ് ഗാഡ്വിയും പങ്കെടുക്കും. ചുരുങ്ങിയ സമയത്തിനുള്ളില് റെക്കോഡ് വില്പന നടന്ന പുസ്തകത്തിന്റെ നിരവധി പതിപ്പുകള് പുറത്തിറങ്ങുകയുണ്ടായി. ബുദ്ധ ബുക്സ് അങ്കമാലിയാണ് പുസ്തകം പ്രസിദ്ധീകരിച്ചിട്ടുള്ളത്.
‘നമോ’ എന്ന പേരില് പുറത്തിറക്കുന്ന ഓഡിയോ കാസറ്റിന്റെ പ്രകാശനവും ചടങ്ങില് നിര്വഹിക്കപ്പെടും. ഹരിദ്വാര് മിത്രമണ്ഡല് ആണ് പരിപാടി സംഘടിപ്പിച്ചിരിക്കുന്നത്. പുസ്തകവും സിഡിയും മിത്രമണ്ഡല് സൗജന്യമായാണ് ആവശ്യക്കാര്ക്ക് നല്കുന്നത്
