കോട്ടയം: തപസ്യ കലാസാഹിത്യവേദി കോട്ടയം ജില്ലാ കമ്മറ്റിയുടെ ആഭിമുഖ്യത്തില് സ്വാമി വിവേകാനന്ദന്റെ 150-ാം ജന്മവാര്ഷികത്തോടനുബന്ധിച്ച് പതിനോരായിരം കുട്ടികള് പങ്കെടുത്ത സ്വാമി വിവേകാനന്ദന്റെ ചിത്രത്തിനു നിറം കൊടുക്കല് മത്സരത്തില് ഒന്നാംസ്ഥാനം നേടി വിജയികളായ 180 കുട്ടികള്ക്കുവേണ്ടിയുള്ള ശില്പശാല ചുവര്ചിത്രകലാ ആര്ട്ടിസ്റ്റ് കെ.കെ. വാര്യര് ഉദ്ഘാടനം ചെയ്യും. മെയ് നാലിന് രാവിലെ 10ന് കോട്ടയം സിഎംഎസ് കോളേജില് നടക്കുന്ന ശില്പശാലയില് തപസ്യ ജില്ലാ പ്രസിഡന്റ് വേണു പരമേശ്വരം അദ്ധ്യക്ഷത വഹിക്കും. എംജി സര്വ്വകലാശാലാ വിവേകാനന്ദ ചെയര് അദ്ധ്യക്ഷന് പ്രൊഫ. ഒ.എം. മാത്യു മുഖ്യപ്രഭാഷണം നടത്തും.
സ്വാമി പരിമളാനന്ദജി അനുഗ്രഹപ്രഭാഷണം നടത്തും. വിവിധ അവാര്ഡുകള് കാര്ട്ടൂണിസ്റ്റ് ടോംസും തപസ്യ സംസ്ഥാന വര്ക്കിംഗ് പ്രസിഡന്റ് പ്രൊഫ. പി.ജി. ഹരിദാസും ചേര്ന്ന് വിതരണം ചെയ്യും. പ്രശസ്ത ചിത്രകാരന്മാരെ മുനിസിപ്പല് ചെയര്മാന് എം.പി. സന്തോഷ്കുമാര് ആദരിക്കും. ലളിതകലാ അക്കാദമി പുരസ്കാരം നേടിയ ആര്ട്ടിസ്റ്റ് പി.സി. മാമ്മനെ പ്രത്യേക ഉപഹാരം നല്കി ആര്ട്ടിസ്റ്റ് കെ.കെ. വാര്യര് ആദരിക്കും. സിഎംഎസ് കോളേജ് പ്രിന്സിപ്പല് ഡോ. റോയി സാം ഡാനിയേല്, ഭാരതീയ വിചാരകേന്ദ്രം ഉപാദ്ധ്യക്ഷന് പ്രൊഫ. വി.എം. നാരായണപ്പണിക്കര്, വി പബ്ലിഷേഴ്സ് ചെയര്മാന് വി.കെ. മൂസാക്കുട്ടി, തപസ്യ കോട്ടയം യൂണിറ്റ് പ്രസിഡന്റ് സി.സി. അശോകന് തുടങ്ങിയവര് സംസാരിക്കും. രാവിലെ പ്രശസ്തരായ ചലച്ചിത്രകാരന്മാര് കുട്ടികള്ക്കുവേണ്ടി ക്ലാസുകള് നയിക്കും. തുടര്ന്ന് സ്വാമി വിവേകാനന്ദന്റെ ജീവിതവുമായി ബന്ധപ്പെട്ട വിഷയങ്ങളില് ഒന്നാം സ്ഥാനക്കാരായ കുട്ടികള് ചിത്രം വരയ്ക്കും. പ്രൊഫ. നാഥ് തിരുവനന്തപുരം നയിക്കുന്ന ആരോഗ്യബോധവത്കരണ മാജിക് ഷോയോടുകൂടി സമ്മേളനം ആരംഭിക്കും. തപസ്യ ജില്ലാ സെക്രട്ടറി ആര്ട്ടിസ്റ്റ് പി.ജി. ഗോപാലകൃഷ്ണന് സ്വാഗതവും ജില്ലാ വര്ക്കിംഗ് പ്രസിഡന്റ് ഡോ. എസ്.വി. പ്രദീപ് നന്ദിയും പറയും. രാവിലെ മുതല് ഒന്നാം സ്ഥാന ലഭിച്ച 180 ചിത്രങ്ങളുടെ പ്രദര്ശനവും തുടര്ന്ന് ശില്പശാലയില് വരയ്ക്കുന്ന ചിത്രങ്ങളുടെ പ്രദര്ശനവും നടക്കും.
