345. ഭസ്മീകൃതസുദക്ഷിണഃ – സുദക്ഷിണനെ ഭസ്മമാക്കിയവന്. നാമത്തിന്റെ വ്യാഖ്യാനത്തില് പറഞ്ഞു. കാശിരാജാവിന്റെ മകനായ സുദക്ഷിണന് പിതാവിന്റെ മരണത്തിന് പ്രതികാരം ചെയ്യാന് തീരുമാനിച്ചു. അയാള് ശിവനെ ആരാധിച്ചു പ്രീതിപ്പെടുത്തിയശേഷം ഉഗ്രമായ ഒരു ആഭിചാരകര്മം നടത്തി. അതില് നിന്നുണ്ടായ ഭയങ്കരിയായ കൃത്യയെ ചിലഭൂതങ്ങളോടൊപ്പം ഭഗവാനെതിരായി അയച്ചു. കരിമ്പനെ പോലെ നീണ്ടുതടിച്ച കാലുകളുള്ള കൃത്യയെ കണ്ടുപിടിച്ച പൗരന്മാര് ഭഗവാനെ ശരണം പ്രാപിച്ചു. തന്റെ കാലരൂപിയായ സുദര്ശനചക്രത്തെ കൃത്യയെ ചില ഭൂതങ്ങളോടൊപ്പം ഭഗവാനെതിരായി അയച്ചു. കരിമ്പനപോലെ നീണ്ടുതടിച്ച കാലുകളുള്ള കൃത്യയെ കണ്ടു പേടിച്ച പൗരന്മാര് ഭഗാവനെ ശരണം പ്രാപിച്ചു. തന്റെ കാലരൂപിയായ സുദര്ശന ചക്രത്തെ കൃത്യയെ നേരിടാന് ഭഗവാന് അയച്ചു. ചക്രം പാഞ്ഞടുത്തപ്പോള് കൃത്യനിലവിളിച്ചുകൊണ്ട് ഓടിപ്പോയി തന്നെ അനുചിതകാര്യത്തിന് നിയോഗിച്ച സുദക്ഷിണനെ ഭസ്മമാക്കി. സുദര്ശനം കാശീനഗരത്തെയും എരിച്ചു. (നാരാണീയം 38-ാം ദശകം).
346. ജരാസന്ധമൃത്യുകാരീ – ജരാസന്ധനെ (ഭീമനെക്കൊണ്ട് കൊല്ലിച്ചവന്.)
ജരാസന്ധന് പതിനെട്ടുതവണ മഥുര ആക്രമിച്ച കാര്യം 324-ാം നാമത്തിന്റെ വ്യാഖ്യാനത്തില് പറഞ്ഞിരുന്നു. ജരാസന്ധന് വളരെയേറെ രാജാക്കന്മാരെ തോല്പിച്ചു തടവിലാക്കിയിരുന്നു. ദുഃഖിതരായ അവര് ഒരു ദൂതന് മുഖേന ശ്രീകൃഷ്ണന്റെ സഹായം തേടി. ഈ സമയത്ത് യുധിഷ്ഠിരന് രാജസൂയം നടത്താന് തീരുമാനിച്ചു. രാജസൂയത്തിന് മുമ്പ് എല്ലാ രാജാക്കന്മാരെയും തോല്പിച്ച് ദിഗ്വിജയം നടത്തേണ്ടതുണ്ട്. യുധിഷ്ഠിരന്റെ ദിഗ്വിജയവും ജരാസന്ധന്റെ വധവും ഒരുമിച്ചാകാമെന്ന് ഉദ്ധവര് ഭഗവാനെ ഉപദേശിച്ചു.
ധര്മപുത്രര് ഭീമസേനനോടും അര്ജുനനോടും കൂടെ ഭഗവാനെ ജരാസന്ധന്റെ അടുക്കലേക്കയച്ചു. ഇവര് മൂവരും ബ്രാഹ്മണരുടെ വേഷത്തില് ജരാസന്ധന്റെ രാജധാനിയായ ഗിരിവ്രജത്തിലെത്തി. ബ്രാഹ്മണനോട് എന്തുവേണമെങ്കിലും ആശ്യപ്പെട്ടുകൊള്ളാന് പറഞ്ഞു. അവര് യുദ്ധമാണാവശ്യപ്പെട്ടത്. തങ്ങള് ആരൊക്കെയാണെന്ന് വെളിപ്പെടുത്തുകയും ചെയ്തു.
ഡോ. ബി.സി.ബാലകൃഷ്ണന്
(തുടരും)
