കാഞ്ഞങ്ങാട്: പുതിയകണ്ടം ബിജെപി പ്രവര്ത്തകന് എന്.പുരുഷോത്തമണ്റ്റെ മാവുങ്കാല് മൂലക്കണ്ടത്തെ ഫര്ണിച്ചര് ഷോപ്പിന് സാമൂഹ്യ വിരുദ്ധര് തീയ്യിട്ടു. ഇന്നലെ പുലര്ച്ചെയായിരുന്നു സംഭവം. പ്രദേശവാസികളെത്തി തീ കെടുത്തുമ്പോഴേക്ക് ഒന്നര ലക്ഷത്തോളം രൂപയുടെ മരത്തടികള് കത്തിയമര്ന്നിരുന്നു. ലക്ഷങ്ങളുടെ മരത്തടികളാണ് കടയിലുണ്ടായിരുന്നത്. ബിജെപിയുടെ മുന് അജാനൂറ് പഞ്ചായത്ത് സെക്രട്ടറിയായിരുന്ന പുരുഷോത്തമന് കഴിഞ്ഞ തെരഞ്ഞെടുപ്പില് ൧൬-ാം ബൂത്തിലെ പോളിംഗ് ഏജണ്റ്റ് കൂടിയായിരുന്നു. ഭാര്യ ശൈലജ ബിജെപിയുടെ മുന് പഞ്ചായത്ത് മെമ്പറും മഹിളാമോര്ച്ചയുടെ ജില്ലാ സെക്രട്ടറിയുമാണ്. ബൂത്തില് സിപിഎമ്മിനുവേണ്ടി വന്ന പന്ത്രണ്ടോളം കള്ളവോട്ടുകള് പുരുഷോത്തമന് തടഞ്ഞിരുന്നു. കെട്ടിട ഉടമ അക്ബര് അജാനൂരിലെ സജീവ മുസ്ളിംലീഗ് പ്രവര്ത്തകനാണ്. അദ്ദേഹം നടത്തിയിരുന്ന ഫര്ണിച്ചര് ഷോപ്പ് പുരുഷോത്തമന് വാടകയ്ക്ക് എടുക്കുകയായിരുന്നു. പെട്രോളൊഴിച്ച് ആസൂത്രിതമായി കത്തിച്ചതിണ്റ്റെ അവശിഷ്ടങ്ങള് പുരുഷോത്തമണ്റ്റെ ഷോപ്പില് കാണാനുണ്ട്. അജാനൂരിലും പരിസര പ്രദേശങ്ങളിലുമായി തീവെപ്പ് വ്യാപകമായിരിക്കുകയാണ്. ഇതിനുമുമ്പ് മൂന്ന് തവണ നടന്ന തീവെപ്പില് രണ്ട് പെട്ടിക്കടകളും ഒരു ഹോട്ടലും നശിച്ചു. എന്നാല് രാത്രിയുടെ മറവില് തീവെപ്പ് വ്യാപകമാകുമ്പോഴും അന്വേഷണം എങ്ങുമെത്തിയില്ല. തുടര്ച്ചയായുണ്ടാകുന്ന തീവെപ്പ് നാട്ടുകാരില് ഭീതി പരത്തിയിട്ടുണ്ട്. ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന്, ജില്ലാ ജനറല് സെക്രട്ടറി അഡ്വ.കെ.ശ്രീകാന്ത്, കര്ഷകമോര്ച്ച സംസ്ഥാന വൈസ് പ്രസിഡണ്ട് എസ്.കെ.കുട്ടന് ആര്എസ്എസ് ജില്ലാ പ്രചാരക് വി.മഹേഷ് എന്നിവര് സ്ഥലം സന്ദര്ശിച്ചു.
ബിജെപി പ്രവര്ത്തകണ്റ്റെ ഫര്ണിച്ചര് ഷോപ്പിന് തീയിട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.